Login to your account

Username *
Password *
Remember Me

Tempotimor (Dili) - Partidu Demokrátiku (PD) bele de'it 'halo-aan' iha tempu agora, tanba iha partidu boot rua FRETILIN no CNRT ne'ebé hadau-malu atu halo koligasaun.

Maski nune'e, formalmente PD seidauk foti desizaun atu halo koligasaun ho CNRT ka FRETILIN.

Maibé PD rasik hakarak maka koligasaun ba Governu ne'ebé bele asegura kontinuidade hodi kompleta restu-du-mandadu tinan 5 nian ne'ebé povu fó fiar liu husi eleisaun antesipada liubá.

"Importante agora loke ona komunikasaun entre partidu no ami hatene ona intensaun partidu rua ne'e hotu oinsa mak atu fó solusaun ba problema," dehan Sekretáriu Jerál PD, Antonio da Conceição 'Kalohan' iha Sede PD, Tersa (18/2).

Bainhira halo komunikasaun ho CNRT, Prezidente Partidu CNRT,  Xanana Gusmão, fó garantia atu utrapasa situasaun atuál.

Kalohan esplika, Xanana nia-prontidaun hamriik iha oin gaña fila-fali konfiansa husi povu atu bele halo dezenvolvimentu ba rai ne'e.

Entertantu, enkontru ho FRETILIN, PD rasik konfesa katak FRETILIN iha mós intensaun atu forma Governu ne'ebé posivelmente ho PLP no PD.

Enkuantu PD rasik agora hahú negosisaun ho partidu sira, prontidaun ne'ebé sai mekanizmu uza iha PD, maibe afirma hanesan partidu ne'ebé hamrik atu interese povu no lakohi krize impase polítika ne'e kontinua la'o. (*)

Tempotimor (Dili) - Partidu FRETILIN mós iha  intensaun atu forma koligasaun no Partidu Demokrátiku (PD) no Partidu Libertasaun Populár (PLP) hodi forma IX Governu Kpnstitusional.

Tempotimor (Dili) - Partidu FRETILIN aprende lisaun barak husi prosesu politika ne'ebé la'o.  Tanba ne'e, lakohi atu hamosu aliansa ida ne'ebé aproveita ema hanesan instrumentu hodi atinji ema balun nia objetivu.

Tempotimor (Dili) - Partidu Demokrátiku (PD) laiha dúvida atu halo diálogu ho kualkér partidu boot sira hanesan FRETILIN no CNRT tanba iha relasaun metin ba malu.

Tempotimor (Dili) - Partidu Demokrátiku (PD) seidauk iha kontaktu formál ho partidu polítiku balun, maibé loke dalan nafatin ba koligasaun hodi serve Povu no Estadu.

Tempotimor (Dili) - Partidu Demokrátiku louva meiu ne'ebé Prezidente Repúblika, Francisco Guterres Lú Olo, halo hodi buka dalan hakotu impase polítika iha Timor-Leste.

Tempotimor (Dili) - Parlamentu Nasionál husu ba governu atu toma atensaun sériu ba moras foun Virus Corona ne'ebé hahú ameasa mundu.

Tempotimor (Dili) – Membru Parlamentu Nasionál husi Komisaun D, Mariano Assanami Sabino sujere ba Governu atu buka fali aviaun seluk, hodi troka aviaun Sriwijaya Air ne'ebé remata ninia operasaun iha Timor-Leste (TL).

"Ne'e la'ós problema murni bisnis loos de'it. Maibé, intervensaun Governu ne'e importante. Governu presiza ona tau aviaun no servisu ho seitór privadu atu identifika aviaun. Para ita bele utiliza ona aviaun hirak ne'e ho aluga de'it. Iha tinan lima kuandu la uza ona, bele troka," dehan Mariano iha Paralamentu Nasionál, Segunda (11/11).

Nia dehan, TL tenke iha folin billete aviaun ne'ebé tuun. Tanba, estadu ne'e tenke garantia sidadaun ne'ebé sa'e aviaun. Katak, aviaun mós tenke seguru, folin ne'e natón para halo koneksaun ho rai liur no ba rejiaun ida ne'e.

Tuir Mariano, responsabilidade Governu nian importante iha seitór ida ne'e. Nia dehan, impaktu husi Sriwijaya Air hapara ninia operasaun, bele iha. Maibé, responsabilidade Governu para buka lalais aviaun seluk, hodi troka.

"Iha problema seluk, tenke kria kondisaun para pasajeiru ne'e tenke barak la'ós de'it iha Timor. Maibé, halo ema liuhosi Timor sai tranzitu ne'e mak importante," nia sujere.

Prezidente Partidu Demokrátika (PD) ne'e espera, bainhira pasajeiru barak no aviaun ne'e mós iha rendimentu di'ak, sei mantein halo manutensaun, bele nafatin semo ba mai Timor-Leste.

Tempotimor (Dili) – Deputadu Parlamentu Nasionál konsidera, konfrontasaun ne'ebé akontese iha Aimutin, Comoro, Segunda (23/09/19) ne'ebé rezulta joven nain rua mate, responsabilidade Governu nian.

"Juventude asaltu malu. Oho malu beibeik ne'e, tanba laiha kampu servisu. La'ós liga ba buat oioin. Tan ne'e Parlamentu Nasionál husu ba Governu daualu, para kria jestaun ho di'ak, para kria kampu servisu ba ita nia juventude sira, para sira mós bele partisipa iha dezenvolvimentu estadu," dehan Vise Prezidente Parlamentu Nasionál, Luis Roberto iha PN, Segunda (23/09/19).

Iha fatin hanesan, Prezidente Bankada Demokrátika Mariano Assanami Sabino katak,  konflitu mosu tanba ema la servisu.

"Konflitu ne'e kuaze ema la servisu, lanu. Ida ne'e problema kona-ba kampu servisu nian. Ita ko'alia kona-ba paz, estabilidade, dezenvolvimentu ekonomia, kampu servisu," dehan Assanami.

Assanami afirma, durante Timor-Leste ukun an, la dezenvolve sidadania. "Durante ne'e ita la dezenvolve sidadania. Tanba ne'e, mak ita nia dezenvolvimentu ba sidadania," afirma Assanami.

Tuir informasaun ne'ebé iha katak, iha maizumenus tuku 11.00 otl, Segunda (23/09/19) joventude sira asaltu malu iha parte Ai-mutin, ne'ebé rezulta joven na'in rua mate fatin.

Tempotimor (Dili) – Bankada Demokrátika iha Parlamentu Nasionál husu Governu atu konsidera amu João de Deus Pires, SDB nia partisipasaun ba luta libertasaun povu no nasaun Timor-Leste.

"Ita nia luta ne'e maka'as liután. La'o di'ak liután, bainhira igreja Katólika tama iha laran.  Hahú amu na'in rua, ne'ebé mak fasilita hanesan amu Afonso no amu Luis ne'ebé fasilita para Dom Martinho bele hasoru malu ho maun boot Kay Rala Xanana Gusmão iha liurai Miguel nia fatin iha Mehara," deklara Prezidente Bankada PD Mariano Assanami Sabino iha Plenária, Parlamentu Nasionál, Segunda (23/09/19).

Nia afirma, bainhira ita akordu ona katak igreja Katólika partisipa tomak iha luta libertasaun ne'e, maibé estadu iha de'it dalan úniku mak rejistu naran.

"Ita haree katak estadu iha de'it mak ema tau naran.  Entaun, ema balun husi igreja Katólika lakohi tau naran. Tanba nia sente nia kontribui, komite omenajem, Sekretáriu estadu veteranus, atu identifikasi sira duni. Partisipasaun maka'as liu iha funu ne'e mak amu João de Deus ne'ebé mak horseik laiha ona ita nia leet. Amu Locatelly ne'ebé oras ne'e sei moris. Inklui iha kongregasaun salezianu ne'ebé kontribui amu barak," Assanami afirma.

Tuir Assanami, estadu durante ne'e la rekoñese kontribuisaun husi amu sira nian iha situasaun defisíl nia laran.

"Estadu ne'e la rekoñese, la respeita no la melloria ba ninia ema ne'ebé mak involve. Dehan ema hotu tenke mai tau naran, só rejistu, se la rejistu prontu estadu mós haluha ona nia. Madre Guelhermina nomós amu barak ne'ebé mak katuas ona, ita halo saida? Governu mós tenke tau espesiál," dehan Assanami.

Assanami husu ukun na'in sira atu ukun estadu ne'e ho nakloke tanba estadu ne'e la'os partidu polítika nian, inklui Governu mós la'os partidu polítika nian. Nia dehan, ukun ne'e hanesan instrumentu ida para hetan konfiansa husi povu para ba kaer ukun.

Nia sujere fó fatin ba matebian Amu João de Deus Pires,SDB hodi haloot iha Jardín Dos Erois Metinaru.

Page 2 of 3
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter