Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, kazu Covid-19 foun iha loron 28 fulan-agustu tinan 2021 hamutuk 276 no mate na'in-1.

"Kazu detetatu foun ne’ebé relata ohin, loron 28 Agostu 2021 na'in-276 (iha Dili 197, Baukau 30, Covalima 10 ho munisípiu seluk hamutuk 39) mane 146, feto 130.Totál óbitu na'in-1", dehan nia liuhusi komunikadu imprensa, sábadu (28/08).

Husi totál kazu detetadu foun hirak ho idade tinan 20 na'in-50 (18%) ho idade entre tinan 12-59 na'in-217 (78,6%) ho idade 60 na'in-9, 1123 kazu ka 44,5% mak sintomátiku (hatudu sintomas), 102 (37%) iha ona vasina kompletu 49 (18%) hetan ona vasina doze dahuluk, kazu rekuperadu 125, kazu ativu 4.523 no totál kazu konfirmadu kumulativu iha 28 Agostu 2021 (sura husi 21 Marsu 2020) hamutuk 16.236.

Entretantu óbitu ne’ebé relata iha loron 28 fulan-agustu na'in-1 (ida), ho detalle hanesan feto ho idade tinan 76, Timoroan, hela iha Dili seidauk vasina iha 28 Agostu 2021diagnóstikadu iha Emerjénsia HNGV ho sindroma insufisiénsia respiratória aguda (SIRA).

Matebian iis-kotu iha madrugada 03h03 tanba respiratoric failure/parajen respiratória. Rezultadu PCR hafoin iis-kotu CT:22,8. Família rejeita atu hala’o funeral tuir protokolu ne’ebé adopta iha Timor-Leste.

Hahú husi loron 27 to’o 28 Agostu, hamutuk hotu Laboratóriu Nasionál Saúde (LNS) halo 655 testes PCR iha Dili ho detalla hanesan Vijilánsia sentinela 82, Rastreiu ba kontaktu (Contact tracing) 308, Rastreiu Aleatóriu (Random Screening) 145, Viajen sai husi serka sanitária munisípiu Dili 94, Viajen internasionál 1 no follow up iha kuarentena 25.

Rezultadu teste PCR ne’ebé halo iha loron 27 Agostu iha munisípiu sira seluk REAOA HNGV hamutuk 367 ho detalle hanesan Baukau 151, Ermera 6, Maliana 51, Maubisse 26, RAEOA 15, Covalima-Suai 38, Vikeké 8, Lautein-Lospalos 4 no HNGV 68. (*)

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo informa, timoroan ida infetadu diagnóstikadu Covid (PCR pozitivu, CT Egene 22, N2gene 24,7) mate iha Postu Administrativu Gleno, Munisípiu Ermera.

"Totál óbitu ne’ebé relata ohin 23 Agostu 2021 na'in-1 (ida) mane ho idade tinan 68, Timoroan, diagnóstikadu Covid-19 (PCR pozitivu, CT Egene 22, N2gene 24,7)", dehan nia liuhusi komunikadu imprensa, segunda (23/08).

Matebian hela iha Gleno-Ermera iha 16 Agostu 2021 no  hahú hala’o izolamentu iha loron 17 Agostu tinan 2021. Matebian iha mós problema hipertensaun no iha loron 17 Agostu, pasiénte ninia saturasaun oksijénio la normal nune'e hahú hatudu sinál sindroma insufisiénsia respiratória aguda (SIRA), maibé matebian ho família lakohi atu transfere mai halo tratamentu iha Dili.

Iha loron 23 fulan-agustu, madrugada matebian isin manas, saturasaun oksijéniu tu’un-maka’a no matebian iis-kotu 11h20 dader. Família  la aseita hala’o funeral tuir protokolu ne’ebé adopta iha Timor-Leste. (*)

Tempotimor (Díli)-Família Matebian, Domingos Barreto nu'udar tiun husi matebian Anita Maia Freitas konsidera atendimentu iha sala izolamentu hamosu dúvida.

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo deklara, SARS-CoV2 hamate timoroan mane ida ho idade 59 iha Izolamentu Vera Cruz, loron 27 fulan-maiu 2021, maizoumenus tuki 11:50 otl.

Matebian ne'e hela iha Mascarenhas, Postu Administrativu Vera  Cruz, iha loron 27 fulan-maiu dader maizomenus tuku 3:00 madrugada  ba halo tratamentu iha Hospital Nasionál Guido Valadares (HNGV) ho keixa isin-manas, muta, kabun laran moras durante loron 2 iha uma.

Matebian iha mós istória operasaun fatuk iha rins hafoin halo ezame fiziku no ezame komplementar sira seluk, médiku sira to’o iha diagnóstiku traballu (working diagnosis) peritonite ho septic shock.

"Deteta mós pozitivu SARS-CoV2 ho Cycle Threshold  (CT) N2gene 40,8, Egene 38,8 husi HNGV transfere ba fatin izolamentu Vera Cruz, no iis kotu iha tuku 11:50 oras timor-leste (otl) ho multiple organ failure”, dehan Rui liuhusi komunikadu imprensa, kinta (27/05).

Entretantu, totál mate (óbitu) iha Timor-Leste hamutuk ema na’in-15 iha Dili 14, Likisá na'in-1 inklui mós sidadaun Xineza na'in-1 ne’ebé mate tanba Covid-19. (*)

Tempotimor (Dili)-Sentru Integradu Jestaun ba Krize (SIJK) rejistu timoran ida ho idade 35 mate tan ho Covid-19, iha ninia uma, aldeia Mota Ki’ik, Suku Hera, Postu Administrativu   Cristo Rei, Munisípiu Dili.

Tempotimor (Dili) - Diretóra Jerál Prestasaun Saúde (DGPS), Ministeiru Saude, Odete Maria Viegas hatete, nia parte ko'alia Familia Matebian hodi deside Rai mate isin Armindo Borges iha Konzelador.

Tempotimor (Dili) - Tarde hasai matebiaun Armindo Borges nia isin mate husi sala izolamentu Verra Cruz, família mane ida hakilar husi estrada liur dehan atu hasai ona mate isin, tanba husi dadeer to'o kalan, matebian nia isin mate hahú bubu ona.