Login to your account

Username *
Password *
Remember Me

Tempotimor (Díli)-Diresaun Jerál Servisu Migrasaun halo identifikasaun ba membru PSHT (Persaudaraan Setia Hati Terate) na’in-84 ne’ebé kompleta ona loron 14 iha kuarentena bainhira hetan deportasaun husi Indonézia iha fulan kotuk, tanba hakat ilegál iha fronteira ba sa’e sintu iha Atambua-Indonézia.

Tempotimor (Dili)-Polísia Nasionál Timor-Leste (PNTL) liuhusi Servisu Investigasaun Kriminál Nasionál (SIKN) iha loron kinta (02/09), hahú investiga membru Persaudaraan Setia Hati Terate (PSHT) na'in-21, antes ne'e hakat ilegál iha fronteira terrestre Timor-Leste (TL) ho Repúblika Indonézia.

Tempotimor (Dili)-Polísia Nasionál Timor-Leste (PNTL) liuhusi Unidade Polisia Marítima (UPM) kaptura Funsionáriu Públiku (FP) hamutuk na'in-5, iha área Mota-masin, Munisipiu Covalima, bainhira fila husi atividade Grupu Arte Marsiál (GAM) graduasaun (sa'e sintu) iha masaun viziñu Indonézia.

Tempotimor (Dili)-Polísia Repúblika Indonézia (POLRI) liuhusi Kapolres Belo Atambua deporta (haruka fila) timoroan membru Organizasaun Persaudaraan Setia Hati Terate (PSHT) hamutuk na'in-352 mai TImor-Leste, tanba hakat Ilegál ba sa'e "sabuk" iha Indonézia.

Tempotimor (Dili)-Maske estadu governu aplika ona médida ne'ebé restritu liu iha fronteira rai hodi hatauk sidadaun sira ne'ebé tama sai ilegál, maibé dadaun ne'e sidadaun sira kontinua tama-sai ho konforme de'it.

Husi aktu sidadaun sira ne'ebé lakohi koopera no hatudu dezrespeitu ba estadu Timor-Leste, maka iha semana ne'e Polísia Nasionál Timor-Leste (PNTL) husi Unidade Patrollamentu Fronteira (UPF) no forsa konjuntu kaptura tan sidadaun na'in 12 iha fronteira rai.

"Iha semana ne'e ita kaptura sidadaun na'in 12 iha fronteira rai, tanba liuhusi dalan ilegál," dehan Komandante Jerál PNTL Komisáriu Faustino da Costa iha Palásiu Prezidensiál bairru-pite, Dili, Kinta (22/10).

Nia mós dehan, sidadaun na'in 12 ne'e sei tama kuarentena, kuandu kumpri ona loron 14 mak, foin kumpri dever ka multa, tanba viola regras estadu emerjénsia daneen nian.

"Husi na'in 12 ne'e, primeiru sira sei kumpri prosesu Ministériu Saúde (MS) nian, depois sira kumpri ona mak sei kontinuasaun ba prosesu administrasaun no sei investiga husi PNTL, depois enkamiña ba Direasaun Jerál Migrasaun ne'ebé tuir diretiva katak, sira aplika multa ba ema ne'ebé tama ilegál," katak Nia.

Entretantu, dadus ne'ebé iha katak, durante aplikasaun estadu emerjénsia ba daneen ne'ebé ho nia regra restritu liután, forsa konjunta iha fronteira rai kaptura ona sidadaun hamutuk na'in 26 ne'ebé iha semana kotuk, forsa sira kaptura uluk sidadaun na'in 14 no semana ne'e kaptura tan na'in 12 iha fronteira rai.(*)

Tempotimor (Dili)-Tuir Komandante Jerál PNTL Komisáriu Faustino da Costa, sidadaun sira ne'ebé tama sai iha fronteira ho ilegalmente ne'e liu ema na'in 200 nia prosesu mak PNTL submete ona ba Ministériu Públiku.

Tempotimor (Díli)- Haree ba sidadaun sira ne'ebé kontinua tama ilegalmente husi fronteira terrestre, ne'ebé ho númeru kontinua aumenta, mak dadaun ne'e, Komandu Jerál PNTL no F-FDTL deskobre ona, membru seguransa nain sanulu (10) resin, mak involve direta, iha atividade tama sai ilegál ne'e.

TempoTimor(Dili)-Bankada Kongresu Nasionál Rekonstrusaun Timorense (CNRT) husu ba governu atu kontrola no bandu membru grupu artemarsiais Persaudaraan Setia Hati Terrate (PSHT) tama sai fronteira hodi hasa’e sintu (naik sabuk).

Tempotimor (Dili)-Autoridade seguransa sei prosesa Timor-oan balun ne’ebé tama illegal iha area fronteira rai-maran Rejiaun Administrativu Espesial Oekusse-Ambeno (RAEOA) no daudauk ne’e hala’o hela kuarentena durante loron 14.

Tempotimor (Dili) - Haree ba sidadaun sira ne'ebé kontinua ultrapasa ilegál iha fronteira rai hodi ba sa'e sintu iha Indonézia, maka daudaun ne'e Polísia Nasionál Timor-Leste (PNTL) no Ministériu Interiór (MI) kontinua halo investigasaun hodi lori prosesu sira ba Ministériu Públiku (MP).

Tuir Vise-Ministru Interiór, António Armindo, sidadaun sira ne'ebé tama ilegál ne'ebé kaptura ona no kuarentena ne'e, kuandu kompleta ona sei lori prosesu ba MP.

"Sidadaun sira ne'ebé tama ilegál ne'e liu 300, ne'ebé agora loron-loron ita kontinua kaer, balun sei tama sai nafatin, ne'ebé númeru loloos ne'e ita labele ko'alia katak hanesan ne'e, maibé agora ne'e kontinua akontese. Ne'ebé to'o semana oin hanesan ne'e bele to'o 400 hanesan ne'e," dehan nia, iha Komandu Jerál PNTL, Kaikoli, Tersa (29/9).

Nia afirma, sira ne'ebé tama sai ilegál ne'ebé kapura ona ne'e kuandu kumpre ona kuarentena, maka PNTL iha papél depois halo investigasaun no entrega ba na’in, tanba MP mak na'in loloos.

Governante ne'e mós dehan, bainhira forsa kaptura, seidauk bele halo investigasaun, tanba la hatene ema ne'e moras ka lae? Entaun kumpre lai kuarentena maka foin halo investigasaun no lori ba MP.

Iha fatin hanesan, Komandante Jerál PNTL Komisáriu Faustino da Costa hateten, daudaun ne'e sidadaun na'in 100 resin mak livre ona husi kuarentena.

"Ita halo hela identifikasaun, la'ós Komandu Munisípiu Dili de'it, maibé kuaze ema na'in 100-resin ne'ebé Ministériu Saúde liberta ona, entaun halo hela prosesu identifikasaun ba sira hotu liuhusi servisu identifikasaun PNTL no servisu investigasaun Munisípiu Dili. Agora ita kontinua rejistu, desizaun ne'e iha Ministériu Públiku (MP) nia liman, tanba sira mak na'in prosesu ne'e," nia dehan. (*) 

Page 1 of 3
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter