Tempotimor (Dili)-Grupu deskoñesidu sunu maizumenus tuku 21:00 sunu ona uma husi oknum Polísia Nasionál Timor-Leste (PNTL) ne'ebé tiru mate Filomeno de Deus (Aman) ho Camilo de Deus (Oan) iha Suku Lahane Osidental Postu-administrativu Vera Cruz, Munisípiu Dili.

Tempotimor (Dili)-Konstrusaun estrada liga husi Munisípiu Vikeke liliu postu administrativu Uatulari no Uatukarbau ba postu Administrativu Iliomar, Munisípiu Lautein, governu preve ona iha planu tinan 2022.

Tempotimor (Dili)-Prezidente Repúblika (PR), Francisco Guterres "Lu Olo", husu Parlamentu Nasionál (PN) fo autorizasaun hodi deklara tan Estadu Emerjénsia (EE) ba da-14, tanba  númeru kazu Covid-19 ne'ebé kada loron aumenta.

Tempotimor (Dili)-Relasioná ho deklarasaun jurísta timoroan balun ne'ebé dehan kazu família piñor oan ba ema seluk laiha indísiu ba krimé maka, Bankada Partidu Libertasaun Popular (PLP) iha Parlamentu Nasionál dezafia jurísta atu estuda tán.

Deputadu Francisco de Vasconselho deklara, jurísta sira presiza hatene buat ida ne'e katak, ema peñor labarik ne'e krime mós.

Tanba, situasaun ne’ebé Timor-Leste hasoru ida ne'e estadu iha solidaridade, ema hotu iha atu apoiu solidaridade.

"Naumedigas ema ida labele ajuda para o (família) ba peñor labarik, ne'e laiha rajaun. Sé dehan ne'e la'os krime, tráfiku uma ne'e saida, tráfiku umanu ne'e ema fa'an labarik, ema sosa labarik, minoridade o fa'an ne'e krime, soe labarik mós krime, jurista sira ida be dehan la krime ne'e ba estuda tán, no le tán”, afirma nia iha PN, kuarta (19/05).

Iha konstitituisaun mós fó protesaun ba labarik iha diretu ba moris, nomós garante sira-nia diretu atu hetan protesaun husi organizasaun sira iha TL.

"Ita iha organizasun barabarak para bele tau matan, nusa nia (família) la lori bá, ne’ebé nia (família) mak sala”, hatete nia.

Tanba ne'e wainhira tau labarik iha rai ida ne'e, família mak tenke hatene kuidadu.

"Sé nia laiha responsabilidade, nia ba fa'an, nia ba so'e, krime, se mák dehan la krime, jurista sira ba estuda tán”, dehan nia.(*)

Tempotimor(Dili)-Xefe Bankada Kmanek Haburas Unidade Nasionál Timor Oan (KHUNTO) iha Parlamentu Nasional (PN), Olinda Guteres deklara, nia parte prontu atu apoiu devolve filafali osan US$400 ba kazu kombustível ho montante US$40, ne’ebé deskonfia komete husi deputada Maria Anabela Sávio iha tinan 2019.

Tempotimor (Dili)-Parlamentu Nasional liuhusi komisaun F trata asuntu Saúde deside sei kria projetu-rezolusaun ida hodi fó rekuñesimentu ba serbisu profisionál saúde sira iha ambitu kombate propagasaun surtu Covid-19.

Tempotimor (Dili)-Deputadu no funsionáriu inklui seguransa iha Parlamentu Nasional obrigatóriu tuir teste Swab ba daruak, tanba konsidera funsionáriu balun iha PN hahú infetadu covid-19.

Deputadu bankada UDT, Francisco David Xavier hatete, teste Swab ne’ebé sira simu ne'e hanesan faze ida atubele idenfitika kauza husi sutru covid-19.

“Ema infetadu,  ka pozitivu ne'e iha tiha ona, tanba ami ne'e iha fatin ne’ebé hamutuk ne'e mak obrigatoriumente ami tenke teste swab, atubele hatene, karik buat ne'e alastra tiha ona mai ami, ida ne'e mak ami halo hela ba segunda ves”, hatete nia ba www.tempotimor.com  iha PN, tersa (04/05).

Maibé, Deputadu UDT ne'e prontu atu izola aan wainhira deteta pozitivu ba covid-19. Tanba, kazu covid-19 nu’udar inimigu invijivel, bainhira pozitivu tenke submete ba izolamentu hodi halo tratamentu saúde.

“Se deteta pozitivu automatikamente sei ba kurantena no sala izolamentu para halo tratamentu tanba buat ne'e husi reprezentante povu ami mak hasai ezemplar ba sidadaun hothotu”, afirma nia.

Iha fatin hanesan Deputada Bankada FRETILIN, Lídia Norberta informa, teste swab ne'e ba deputadu 65, inklui funsionáriu no motorista tomak.

“Ohin ne'e ba funsionáriu hotu, motorista, seguransa, deputadu, iha PN”, dehan nia.

Entretantu kazu infetadu covid-19 ne'e dadaun da'et ona ba Asesor Bankada FRETILIN no Komandante Seguransa PN no dadaun submete ona ba sala izolamentu. (*)

Tempotimor (Dili)- Parlamentu Nasionál (PN), liuhusi Komisaun C (trata asuntu Finansa públika, iha loron kinta (29/4), hahú hala'o aprovasaun planu anuál ba tinan 2022.

Prezidente Komisaun C, deputada Maria Angelica Rangel hatete, komisaun C halo aprovasaun ba planu anuál tinan 2022, no sei submete ba meza prezidente parlamentu nasionál.

"Rezultadu votasaun afavór 8, kontra 2 abstensaun 1, ita aprova ona ita-nia planu anual 2022, no depois doutora margarida ho ita-nia tékniku sira, hodi bele submete ita-nia planu ne'e ba parlamentu nasional nomós ba ministériu finansa”, hatete nia, iha ambitu diskusaun komisaun C iha plenária PN, kinta (29/04).

Iha fatin hanesan deputada bankada CNRT, Maria Fernnda Lai, deklara nia parte fó votu kontra tanba aprezentasaun planu anual ida ne'e viola lei.

"Ha’u vota kontra tanba ita viola lei maibé lejislador kontinua vota afavor, ida ne'e mak ha’u vota kontra”, deklara nia.

Entretantu tuir observasaun www.tempotimor.com iha terenu nota katak, hafoin aprovasaun kontinua kedan ho diskusaun ba kalendariu tentativa komisaun C nian, kona-bá diskusaun lei enkuadramentu jestaun finanseira iha Parlamentu Nasionál. (*)

Tempotimor (Dili) - Prezidente Parlamentu Nasional, (PN), Aniceto Longuinhos Guterres Lopes, husu ba Timoroan hotu atubele proteze-an husi surtu Covid-19.

Tanba, pandemia covid kontinua sai preokupasaun no dezafiu ba nasaun hotu iha mundu inklui mós Timor-Leste ne’ebé resjita kazu kada loron aumenta.

“Timor-Leste nia situasaun pandemia covid-19 kadavez pior liuliu iha fulan ikus, pelo isso tama ona ba transmisaun komunitáriu e parese ita iha ona dalan pior senáriu”, dehan Aniceto bainhira abertura ba sesaun plenária iha Parlamentu Nasional (PN) Dili, kuarta (28/04).

Governu ne’ebé husu tan renovasaun estadu emerjénsia ba dala-XIII, presiza iha plenária hodi haree situasaun real pandemia covid-19 nian no oinsá estadu tomak tau esforsu hodi hasoru dezafiu ne’e.

"Mai ita hotu kumpri ita-nia dever atu fó protesaun máximu ba ema Timor no proteje saúde públiku”, afirma Aniceto.

Entertantu rezultadu reuniaun Konsellu Estadu (KE) no Konsellu Superior Defeza no Seguransa (KSDS) líder husi Prezidente Repúblika haruka ona pedidu governu nian relasiona ho EE ba dala-XIII ba Parlamentu Nasional (PN) atu aseita antes PR dekreta.(*)

Tempotimor (Dili)-Prezidente Parlamentu Nasional (PN), Aniceto Longuinhos Guteres Lopes deklara, meza prezidente PN, deside suspende atividade plenáriu iha segunda (26/04), hodi fó tempu ba komisaun C atubele finaliza orsamentu rektifikativu iha redasaun final.

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter