Tempotimor (Baukau)-Koordenadór Eskola Ensiñu Baziku Filiál (EBF) Kaibada Makasa'e, Domingos Freitas konsidera prezensa Prezidente Repúblika (PR), Francisco Guterres 'Lú Olo', hanesan milagre, tanba bele fó ona solusaun ba sira-nia preokupasaun ne’ebé durante hasoru.

Tempotimor (Dili)-Prezidente Repúblika (PR), Francisco Guterres 'Lú Olo', promulga ona alterasaun daruak ba dekretu lei suplementu remuneratóriu ba servisu liña frente.

Tanba traballadór sira iha liña frente  tenke hala’o sira-nia atividade profisionál iha  servisu prevensaun no kontrolu Covid-19 no iha situasaun risku hetan kontájiu husi vírus kauza moras Covid-19.

Uluk liu, Prezidente Repúblika promulga Dekretu-Lei ho númeru 17/2020, iha  30 abril, hodi fó direitu ba traballadór liña  frente atu idaidak simu  mós suplementu remuneratóriu ida, ho efeitu  husi marsu 2020 no iha setembru 2020, Dekretu-Lei ne’e hetan alterasaun dahuluk.

"Proposta alterasaun daruak ba Diploma ne’ebé hetan  promulgasaun horseik,  23 agostu 2021, husi Prezidente Repúblika Francisco Guterres Lú Olo, fó-hatene katak pagamentu suplementu remuneratóriu relasiona ho Covid-19, ne’ ebé hahú  iha marsu 2020 sei implementa to’o dezembru 2021 bainhira  OGE 2021 mós remata. Karik presiza hatutan suplementu ne’e ba tinan 2022, presiza iha fali Dekretu-Lei foun ida", haktuir liuhusi komunikadu imprensa ne'ebé www.tempotimor.com asesu iha tersa (24/08).

Osan ba selu suplementu ne’e hasai husi Fundu Covid-19 ne’ebé hari’i iha Timor-Leste liuhusi lei n°2/2020, 6 abril.

Ho alterasaun ne’ e, traballadór sira  ne’ ebé servisu iha servisu Administrasaun direta ka indireta Estadu nian no hala’o kna’ar iha risku laran relasiona ho Covid-19 husi marsu 2020, bainhira hatudu prova dokumentál, iha direitu atu hetan  pagamentu suplementu remuneratóriu  ba kada loron servisu efetivu  ne’ebé halo tiha ona. 

Ho objetivu atu proteje direitu adkiridu husi traballadór sira iha liña frente husi kedas marsu 2020 mak Prezidente Repúblika veta diploma  kona-ba Suplementu Remuneratóriu ne’ebé Governu hato’o iha fulan-jullu 2021.

Dekretu-Lei ida ne’e akomoda hotu ona preokupasaun ne’ebé Prezidente Repúblika hato’o ba Governu liuhusi mensájen iha 24 juñu 2021.

Nune'e dekretu-Lei hetan ona aprovasaun husi Konsellu Ministrus iha 4 agostu, Governu haruka mai Prezidénsia iha 11 agostu 2021 no Prezidente Repúblika promulga iha 23 agostu 2021. (*)

Tempotimor (Dili)-Prezidente Repúblika (PR), Francisco Guterres 'Lú Olo', felisita ba Prezidente sesante Komisaun Nasionál Eleisaun (CNE), Alcino Barris hamutuk ho ekipa ne’ebé servisu ho responsabilidade iha mandatu tinan 2016-2021.

Tempotimor (Dili)-Reuniaun entre Konsellu Superior Defeza Seguransa (KSDS) ho Konsellu Estadu (KE) iha loron segunda (26/07), rekomenda ba Prezidente Repúblika (PR), Francisco Guterres 'Lú Olo', atu kontinua haruka pedidu governu Estadu Emerjensia (EE)  dala-16 ba Parlamentu Nasionál (PN).

Tempotimor (Dili)-Prezidente Repúblika (PR), Francisco Guterres 'Lú Olo', iha selebrasaun loron Mundiál Konservasaun Floresta Ai-Parapa, segunda (26/07), husu ba Governu liuhusi Ministériu Agrikultura no Peskas (MAP) atu prepara estratéjia ba jestaun floresta ai-parapa, atu iha matadalan rasik ba jestaun no uzu.

“Husu espesialmente ba Ministériu Agrikultura no Peskas atu prepara Estratéjia Nasionál ba Jestaun Floresta Ai-Parapa hodi iha matadalan rasik ida ba jestaun no uzu sustentável ba rekursu naturál importante ida ne’e, ho partisipasaun komunidade sira-nian, liliu husi sira ne’ebé depende ba rekursu tasi nian hodi sustenta família”, dehan PR Lú Olo liuhusi mensajen ne’ebé lee husi asesór Reinaldo Junior Freitas Baptista Belo, iha Palásiu Prezidensiál Bairopite, segunda (26/07).

Haree ba funsaun ai-parapa nian, iha loron importante ne’e, Prezidente Repúblika apela ba sidadaun hothotu atu kuda ai-parapa no ai sira seluk iha ámbitu kampaña nasionál hanaran “sidadaun ida, ai-oan ida”, ne’ebé lansa iha fulan-janeiru tinan 2019.

Tanba ai-parapa mós iha ninia funsaun mak tais no hamoos ambiente ba animal no ema, fatin reprodusaun, viveiru ba espésie oioin, fatin ba balada fuik sira no satan laloran.

Nune'e, Prezidente Repúbilka apresia inisiativa organizasaun Konservasaun Flora no Fauna (KFF) ne’ebé nia membru sira dedikadu no determinadu hodi promove no proteje ai-parapa ne’ebé sai buras ba beibeik ho fasilidade oioin.

“Aproveita okaziaun ohin atu husu ba Governu tomak, liliu ba Ministériu Agrikultura no Peskas nomós ba Sekretaria Estadu Ambiente no entidade sira seluk, atu haree oinsá tulun KFF, organizasaun ne’ebé iha joven badinas no determinadu, ho moto proteje Natureza, atu garante ita hotu nia bein-estar no dezenvolvimenu sustentável ba Timor-Leste”, dehan Lú Olo.

Área ba ai-parapa iha Timor-Leste menus ba beibeik, tanba ne’e iha de’it ektar 1,300, área ida kiik liu ba liña kosteira naruk ho kilometru 735. Nune’e Governu presiza tulun organizasaun Konservasaun Flora no Fauna (KFF) ba protesaun ai-parapa, garante bein-estar ema hotu nian no ba dezenvolvimentu sustentavel.

Amaibé agradese ba UNDP tanba fó apoiu finanseiru ba KFF atubele realiza nia mehi ba promove no proteje ai-parapa.

Iha tinan-2019, Prezidente Repúblika rekoñese no valoriza organizasaun Konservasaun Flora no Fauna ho Prémiu Direitus Umanus Sergio Viera de Mello ba kategória Direitu Ekonómikus no Sosiál. (*)

Tempotimor (Dili)-Concelho Populár De Defesa – Republica Democrático Timor-Leste (CPD-RDTL) husu Prezidente Repúblika (PR), Francisco Guterres 'Lú Olo', atu solusiona problema Sede Organizasaun ne'ebé Polísia Nasionál Timor-Leste (PNTL) okupa iha Balide-Dili.

Tempotimor (Dili)-Prezidente Repúblika (PR), Francisco Guterres 'Lú Olo', kompleta ona vasina AstraZeneca ba doze daruak, hodi preteje família husi pandemia Covid-19.

Tempotimor (Dili)-Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Lere Anan Timur hatete, nia parte seidaun deklara kandidata-an tanba sei hein Prezidente Repúblika (PR), Francisco Guterres 'Lú Olo', dekreta loron ba eleisuan Prezidenisál ninian.

Tempotimor (Dili)-Prezidente Repúblika (PR), Francisco Guterres 'Lú Olo', nomea atual Vise Primeiru Ministru no Ministru Planu no Ordenamentu, José Maria dos Reis, nu’udar Enviadu Estraordináriu ba Simeira Comunidade dos Paises de Lingua Portuguesa (CPLP).

Tempotimor (Dili)-Prokuradór Jerál Repúblika (PJR), Alfonso Lopez hatete, Prezidente Repúblika (PR), Francisco Guterres 'Lú Olo' fó apoiu nafatin ba Ministériu Públiku (MP) atu fó atensaun máximu ba kazu sira ne’ebé konsiderra grave.