Tempotimor (Dili)-Xefe Estadu Maior-Jenerál FALINTIL-Forda Defeza Timor-Leste (F-FDTL), Tenente Jenerál Lere Anan Timur, hato'o preokupasaun no kondisaun F-FDTL nian ba Prezidente Repúblika, Francisco Guterres 'Lú Olo'.

Tempotimor (Díli)-Prezidente Repúblika (PR), Francisco Guterres ‘Lú Olo’, husu ba Embaixadór Timor-Leste nian iha rai liur hodi kontinua servisu bilaterál ho nasaun sira seluk.

Deklarasaun ne’e Xefe Estadu fó sai hafoin fó tomada de Posse ba Embaixadór na’in-lima durante períou tinan tolu horu servisu hamutuk ho organizasaun sira ne'ebé akreditadu no halo relasaun bilateral ho nasaun sira seluk.

"Nomeasaun ida ne'e siknifika katak Governu no Prezidente Republika fó fiar ba ita-boot sira atu servisu hamutuk ho País no organizasaun sira ne'ebé ita-boot simu akreditasaun ba, nune'e relasaun bilateral no multilateral entre ita-nia Estadu no Estadu sira seluk sei hametin liután”, hatete PR  Lú Olo, iha Palásiu Prezidente Bairopite, tersa (13/07).

Bazeia ba Konstituisaun RDTL iha artigu 6 sira obrejtivu prinsipál promovel no haburas relasaun no PR fiar katak haluan tan iha ámbitu kooperasaun ida ne'e.

"Artigu 6 Konstitituisaun RDTL hatete katak, entre hakarak seluk, ita-nia objetivu prinsipal, mak “promove harii no haburas relasaun amizade no kooperasaun entre Estadus hothotu”. Ha'u fiar katak ita-boot sira iha kondisaun atu hasa' e no haluan liután nível no ámbitu kooperasaun ida ne’e”, afirma PR Lú Olo.

Nune’e mós, Vise Ministru Negósiu Estranjeiru no Kooperasaun (MNEK), Julião  da Silva  hatete, prezidente hahú fó posse na’in-lima no iha tempu badak sei fó tan posse ba Embaixadór na’in-sanulu-resin.

"Servisu Xefe misaun que sira-nia misaun remata ona ona, balun remata ona tinan balun fulan neen (6) nian. no ita-boot sira hatene nasaun balun que loke ona sira nia vó de viajen aviaun nian tanba ne'e mak ita hahú fó posse ba ita-nia Embaixadór sira ne'ebé dezigandu ita-boot sira akompaña katak hahú fó posse ba na’in-5 no sei na’in-sanulu-resin iha sei simu tan poder iha tempu badak”, informa Julião da Silva.

Embaixador foun Timor-Leste, ba postu ho karater multilateral iha Misaun Permanente Organizasaun Nasaun Unidas, ba postu ho karater bilateral iha Republika Kuba, Estadu Brunei Darussalam, Nova Zelándia nomós ba Enviadu Espesial, ho kategória Embaixadór Itinerante ba Asuntus Klimatiku. (*)

Tempotimor (Díli)-Ministru Prezidénsia Konsellu Ministru, Fidelis Leite Magalhães informa, Prezidente Repúblika (PR), Francisco Guterres ‘Lú Olo’, deside veta dekretu lei foun ba servisu liña frente sira, tanba dekretu lei tuan sei bele utiliza nafatin.

Tempotimor (Dili)-Grupu Estudantil Munisípiu Lautém (GEML) hakarak husu ba Prezidente Repúblika (PR), Francisco Guterres ‘Lú Olo’, atu re-kandidata nia-an hodi avansa nafatin ba eleisaun prezidensiál periódu tinan 2022-2027.

Tempotimor (Dili)-Governu liuhusi reiuniaun Konsellu Ministru (KM) nian iha loron 23 fulan-juñu tinan 2021 delibera ona atu propoin ba Prezidente Repúblika (PR), Francisco Guterres ‘Lú Olo’, atu renova estadu emerjénsiaba dala-15.

Tempotimor (Dili)-Xefe Estadu Major Jeneral Falintil-Forsa Defeza Timor-Leste (F-FDTL), Tenente Jeneral Lere Anan Timur hatete, kandidatura F-FDTL balu iha prosesu teste la koñese, Prezidente Repúblika (PR), Francisco Guterres ‘Lú Olo’ no Primeiru Ministru (PM), Taur Matan Ruak.

Tempotimor (Dili)-Ministru Administrasaun Estatál (MAE), Miguel Pereira de Carvalho hatete, governu dadaun ne’e hein hela dekretu Prezidente Repúblika (PR), Francisco Guterres ‘Lú Olo’ hodi apoiu insentivu finanseiru ba suku sira.

Tempotimor (Dili)-Ministru Ensinu Superiór Siénsia no Kultura (MESSK), Longuinhos dos Santos hatete, Prezidente Repúblika (PR), Francisco Guterres ‘Lú Olo’, iha loron tersa (04/05) promulga ona osan ho montante millaun US$2.1 hodi apoiu propinas no internet ba estudante.

Tempotimor (Dili)-Prezidente Repúblika (PR), Francisco Guterres ‘Lú Olo’, iha loron segunda (03/05), promulga ona dekretu Parlamentu Nasionál, númeru 34/V ba alterasaun dahuluk Lei Orsamentu Jerál Estadu (OJE) ba tinan-2021 no aprovasaun medida apoiu sosiu-ekonómiku.

Prezidente Repúblika konklui katak Dekretu Parlamentu Nasionál ne’e tuir presupostu no rekizitu ne’ebé iha konformidade ho dispozisaun aplikável Konstituisaun Repúblika no nia Lei sira.

“Kondisaun polítika ba nesesidade, konveniénsia no preménsia nune’e, promulga Lei Orsamentu Jerál Estadu ba tinan-2021", dehan PR Lú Olo liuhusi komunikandu imprensa, tersa(04/05)

Antes ne'e, Parlamentu Nasionál aprova alterasaun dahuluk ba orsamentu jerál estadu ne’ebé lori mudansa ba Orsamentu Administrasaun Sentral ho valór osan US$1.932.543.312 hetan aumentu US$135, 300.000, Fundu Covid-19 ho valór osan US$287.641.793, hetan aumentu US$256.641.793, Fundu Kontejénsia US$65.151.800, hetan aumentu US$41.388.428.

Reseita husi orgaun sira no servisus Administrasaun Sentral husi alterasaun Orsamentu Jerál Estadu ba tinan-2021 sa’e ba millaun US$1.932,5, reseita petrolíferu estimada husi Fundu Petrolíferu mak millaun US$ 1.377,6.

Maske iha aumentu husi reseita, alterasaun ba orsamentu jerál estadu mantein nafatin rendimentu sustentavel estimadu ho valór millaun US$547,9.

Alterasaun lejislativas prinsipal husi Dekretu Parlamentu Nasionál iha relasaun ho Lei aprovasaun Orsamentu Jerál Estadu ba tinan-2021, iha dezembru 2020 tanba medida apoiu estensiva hodi hamenus efeitus negativu husi Covid-19, mota no be-sa’e iha 2020 no inundasaun iha loron 4 Dylan-abril tinan 2021.

"Promulgasaun lei orsamentu jerál estadu no aprovasaun medida apoiu sei fó kbi’it ba Governu atu fó apoiu empregu, subsídiu ba traballadór sira, emprezáriu sira, traballadór servisu doméstiku nian no jerente no administador, kontribuisaun sosial no dispensa kontributiva, subsídiu estraordináriu ba dezempregu, subsídiu estraordináriu ba eletrisidade, subsídiu estraordináriu ba renda, subsídiu ba estudante, moratóriu ba kréditu no seguransa alimentár".(*)

Temporimor (Díli) - Prezidente Repúblika (PR), Francisco Guterres ‘Lú Olo’ hatete, pandemia Covid-19 ne’ebé mosu iha mundu hadaet mai Timor-Leste muda ona moris iha sosiedade.