Tempotimor (Dili) - Prezidente Repúblika, Francisco Guterres Lú Olo, reafirma katak, konvite ne'ebé haruka ba lider nasionál sira ne'e ho intensaun ko'alia kona-ba vida nasaun nian.

Tempotimor (Dili)-Governu Aliansa Mudansa ba Progresu (AMP) besik atu tama ba tinan rua kaer ukun, maibé to'o ohin loron seidauk konsege hetan solusaun ba problema membru governu la kompletu. Ba kestaun ne'e, Primeiru Ministru Taur Matan Ruak entrega de'it ba tempu.

Tempotimor (Dili) - Prezidente Repúblika liuhusi selebrasaun aniversáriu Komisaun Anti Korrupsaun (KAK) ba tinan 10, husu atu deputadu sira iha Parlamentu Nasionál atu aselera lalais aprovasaun ba Lei Anti Korupasaun (LAK). 

Tempotimor (Dili) - Sekretáriu Estadu Veteranu, Gil da Costa 'Oan Soru', relata atividade Ministériu ba Asuntu Kombatente Libertasaun Nasional nian ba Prezidente Repúblika, relasiona ho estabelesimentu Konsellu Veteranu.

"Ministrériu ba Asuntu Kombatente Libertasaun Nasionál nia atividade maka komisaun instaladora ba estabelesimentu Konsellu Kombatente Libertasaun Nasionál", Seketáriu Estadu Gil da Costa 'Oan Soru', iha Palásiu Prezidensiál Bairru-Pité, Tersa (11/6).

Iha soru-mutu ne'e konsege klarifika ona objetivu verifikasaun ba dadus sira inklui lalaok Komisaun Instaladora para estabele Konsellu Kombatente Libertasaun Nasionál ninia lalaok ne'ebé Prezidente Repúblika inteira hotu situasaun ne'e.

Komisaun instaladora forma ona komisaun organizadora iha munisipiu hotu, entaun iha fulan Jullu hahú ona ho konferensia munisipal nian.

"Kona-ba kongresu ba Konsellu Veteranu Libertasaun Nasionál nian sei hahú iha loron 1 to'o 3 Marsu 2020", dehan Oan Soru.

Tempotimor (Dili) - Primeiru Ministru, Taur Matan Ruak, louva maturidade povu Timor-Leste tanba maski situasaun polítika manas maibé garante nafatin pás no estabilidade.

Tempotimor (Dili)-Partidu CNRT hamutuk ho PD, KHUNTO, PUDD, UDT no FM deklara ona formasaun Aliansa Maioria Parlamentar (AMP) foun. Sira ezije atu Prezidente Repúblika Francisco Guterres Lu Olo foti lalais ona desizaun hodi demite Primeiru Ministru Taur Matan Ruak nune'e bele fó fatin ba Primeiru Ministru indizitadu Xanana Gusmão lidera fila fali governu foun.

Kargu Primeiru Ministru la'os kargu foun ida ba Xanana Gusmão. Prezidente CNRT ne'e fila-fila ona tuur iha kadeira PM. Ikus liu mak Xanana deside rezigna an iha dalan klaran hodi "entrega" fali ba Rui Maria de Araujo.

Maibé, ba tinan ida ne'e, Xanana hatudu fila fali nia hakarak ne'ebé boot atu tuur fali iha kadeira Primeiru Ministru.

Xanana ne'ebé molok ne'e "halimar" de'it iha palku kotuk, ikus-ikus ne'e hahú hatudu aan ho momoos.

Iha Tersa (24/03) liu husi konferensia imprensa ne'ebé lidera husi Xanana iha sede CNRT fó sai momoos intensaun ne'ebé durante ne'e "subar" hela.

CNRT ho nia aliadu sira ho momoos fó presaun ba PR Lu Olo atu foti lalais desizaun hodi entrega poder ba sira-nia liman.

Bainhira governu ne'ebé lidera husi PM Taur esforsu hela atu rezolve problema inundasaun no ameasa Covid-19, CNRT ho nia aliadu sira aproveita oportunidade ida ne'e atu hamonu governu, la'os ajuda governu hodi buka solusaun.

Lee mós: Tan Poder, CNRT cs Prontu Sakrifika Buat Hotu, Inklui Povu

"En vez de fo’o apoiu ba governu atu iha kapasidade ba hola medidas importante sira, CNRT interese liu atu hamonu governu iha tempu ida ne’ebé povu hasoru hela problema boot. Que tristeza!", deklara Bankada FRETILIN ho PLP iha PN, Kuarta (25/03).

 

"Hatudu To'ok PM Taur Nia Sala"

 

Deputadu husi bankada FRETILIN David Dias Ximenes "Mandati" husu ba deputadu sira ne'ebé halibur malu ona iha CNRT nia mahon atu hatudu Primeiru Ministru Taur Matan Ruak nia sala iha ne'ebé.

Deklarasaun Mandati ne'e relasiona ho ezijensia husi CNRT ho nia aliadu sira ne'ebé hakarak atu Prezidente Repúblika Francisco Guterres Lu Olo aseita ona pedidu demisaun PM Taur hodi loke dalan ba formasaun governu foun.

“Ohin ita koalia, ha'u lakohi tama ba orsamentu, ha'u halo de'it ba observasaun ida, ita koalia dialogu dehan iha konstituisaun laiha dialogu, ohin ita mós koalia kona-ba estadu no Governu ida ne’e ninia vizensia ne’e, ita ejize, ita hanesan presiona Taur Matan Ruak, agora ha'u husu de'it, sala saida mak barak loos iha Taur Matan Ruak par agora ita umilia nia? Ha'u la koalia ona kona-ba orsamentu, ita atu buska par atu umilia hatun Taur Matan Ruak,” dehan Mandati iha ninia intervensaun iha plenaria PN.

"Uluk-uluk Governu bele lao hamutuk hela, depois rezolve gabinete ne’e, see mak sala hasai, mais ida ne’e lae tenke hasai mak Taur Matan Ruak, Taur Matan Ruak ne’e sala saida?."

"Ha'u hakarak ema ida iha ne’e responde mai ha'u, Taur Matan Ruak nia sala par ita atu omilia nia, ha'u hakarak ida ne’e de'it, ha'u dezafia ema hotu iha ne’e, ema ruma dehan Taur Matan Ruak nia sala ohin loron ha'u vota kontra kedas,” deklara Mandati.

Tuir Mandati, deputadu sira iha PN mai bosok malu atu hamate PM Taur.

"Iha ne’e ita bosok malu, ita bosok malu atu hamate Taur Matan Ruak, hakarak hatun Taur Matan Ruak, hakarak umilia Taur Matan Ruak, koalia loloos mai,” nia sadik.

Tempotimor (Dili) -Kazu Kuluhun hamate ema na'in tolu ne'ebe husik hela mos faluk no oan ki'ak inklui Vitima na'in 5 ne'ebé kanek hafoin aktu asasinatu husi pesoal membru Polisia Nasional Timor-Leste (PNTL), iha Kuluhun-Dili, oras ne'e daudaun sei alejadu hela.

Tempotimor (Dili) – Impasse polítika iha rai laran seidauk hetan solusaun. Bankada Aliansa Mudansa ba Progresu (AMP) iha Parlamentu Nasionál (PN), firme ho sira-nia posizaun. Bainhira membru Governu pendente seidauk hetan pose, laiha a favor ba Prezidente Repúblika (PR) halo viajen ba rai liur.

“Bankada AMP la autoriza Prezidente Repúblika ba partisipa Asembleia Jerál UNO iha Novaiorke, bainhira membru Governu pendente seidauk hetan pose,” afirma Vise II Prezidente Parlamentu Nasionál (PN), Luis Roberto ba tempotimor.com, Kuarta (18/09/19) iha Parlamentu Nasionál.   

Tuir Luis, ida ne'e realidade. La'ós tan aspetu seluk. Nia dehan, tanba impasse polítika mak mosu impedimentu ida para oinsá PR ho VIII Governu, bele tuur hamutuk hodi rezolve impasse ne'e.

Deputadu Bankada KHUNTO ne'e katak, viajen ba estranjeiru ne'e buat seluk ida. Importante liu mak rai laran.

"Iha impasse polítika ne'e, viajen ba rai liur ne'e, buat seluk ida. Importante liu, mak rai laran. Ita viajen ba rai liur mós imposivel ita mai, halo buat hotu. Importante mak ita nia nasaun ne'e, kuandu buat hotu la'o ho di'ak," nia afirma.

Luis dehan, politikamente halo impedimentu. La fó autorizasaun ba Prezidente Repúblika halo viajen. “Lei mós hakerek. Ne'ebé, ita hotu-hotu bazeia ba lei ne'ebé prevé tiha ona, la'ós Parlamentu Nasionál foti tuir nia hakarak. PN mós foti tuir lei ne'ebé prevé tiha ona," Luis esplika.

Tempotimor (Dili) - Primeiru Ministru, Taur Matan Ruak, hatete nia rasik mak hakoi ona AMP bainhira CNRT baku mate iha Parlamentu Nasional, Sesta (17/1).

"AMP, CNRT oho tiha ona iha dia 17 (Janeiru 2020), ha'u hakoi tiha iha dia 20 (Janeiru 2020)," dehan PM Taur, iha Palásiu Prezidensiál,Bairru-Pité, Kinta (30/1).

Hataan ba CNRT nian katak bainhira fahe malu tenke liuhusi konferensia, eis-jeneral ne'e hatete, husik CNRT mak halo mesak konferensia no Taur Matan Ruak sei lakohi ona.

"Sira ba-ba, hau lakohi ona," dehan Taur Matan Ruak.

Taur hatete, dadaun ne'e Prezidente Repúblika, Francisco Guterres Lú Olo, halo ona kontaktu ho entidade hotu tanba Primeiru Ministru rasik mak entrega atu deside. 

Tempotimor (Dili) – Prezidente Parlamentu Nasionál (PPN), Arão Noé de Jesus da Costa Amarál informa, proposta Lei Atividade Petrolífeiru (LAP) no Lei Fundu Petrolífeiru (LFP) ne'ebé hetan ona reapresiasaun husi Parlamentu Nasionál, Kinta (10/10/19) loraik sei haruka ba Prezidente Repúblika.

"Lei rua ne'ebé aprova iha Tersa (08/10/19) ne'e, horseik (kuarta) Komisaun C no D inklui tiha ona testu final. Horseik loraik no ohin dadeer ida tama. Ha'u despaxu ona ba Divizaun Apoiu Plenária (DIPLEN) para halo testu finál, para ha'u asina no haruka ba Prezidente Repúblika," informa PPN ne'e iha PN, Kinta (10/10/19).

Arão afirma, prazu ba Prezidente Repúblika hodi estuda no foti desizaun, durante loron tolunulu nia laran.

"Tuir lei loron tolunulu. Durante loron ruanulun nia laran, Prezidente Repúblika se hakarak haruka fali ba tribunal. Depois ba tribunál rekursu iha loron tolunulu nia laran, PR promulga ka vetu polítika," nia esplika.

PPN dehan, bainhira desizaun Prezidente Repúblika sai ona, mak Parlamentu Nasionál ezerse nia funsaun.

Page 1 of 13

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com