Tempotimor (Dili)-Diretór Ezekutivu Forum Organizasaun Naun Governamentál Timor-Leste (FONGTIL), Valentin da Costa Pinto, husu Governu Timor-Leste atu konstrola ajensia Timoroan no Estranjeiru ne'ebé haruka sidadaun Timoroan ba rai li'ur, tanba sidadaun barak mak terus ona iha rai li'ur.

Tempotimor (Dili)-Governu daualu liuhusi Ministériu Negósiu Estranjeiru no Kooperasaun (MNEK) ameasa atu kansela viajen sidadaun timoroan sira ne'ebé mak hakarak ba servisu iha nasaun Portugal.

Tempotimor (Díli)-Prezidente Partidu CNRT, Kay Rala Xanana Gusmão, iha loron kinta (27/01) la’o ses malu ho Sekretáriu Jerál Partidu Frente Revolusionáriu Timor-Leste Independente (FRETILIN), Marí Bin Amude Alkatiri, Aeroportu Internasionál Nicolau Lobato Dili, hodi troka malu ba estranjeiru. 

Tempotimor (Dili)-Forum Organizasaun Naun Governamantál Timor-Leste (FONGTIL) konsidera viajen Prezidente Parlamentu Nasionál (PN), Aniceto Longuinhos Guterres Lopez, ba tuir Konferénsia iha Áustria no Kontinua ba Portugál la edukativu, tanba uza osan Estadu ba pasa ferias mós iha Portugál.

Tempotimor (Dili)-Pasajeiru timoroan hamutuk ema na'in 16 ne'ebé kansela viájen ba Portugal, iha loron 18 fulan-abril tinan 2021, ezije ba ejénsia Narpov Unipessoal L.da atu devolve (fó fila) osan ba billete.

Pasajeiru sira ne’e, ezíje ajénsia, tanba viajen ne’ebé halo hetan kansela husi servisu imigrasaun iha Aeroportu Internasionál Nicolau Lobato, Komoro, loron 18 fulan-abril tinan 2021.

Tuir rute viájen iha billete mak Dili, Malázia no Portugal, maibé to'o iha Aeroportu Komoro, migrasaun sira halo revista ba viájen, rute hatudu fali Dili, Malazia, Barcelona, no Portugal, nune'e halo kanselamentu ba sira, ho razaun liuhusi Barcelona ema la simu, tanba situasaun covid-19 no ema la autoriza tama.

Hafoin kansela viájen ba Portugal, iha loron 22 fulan-abril tinan 2021, pasajeiru sira konsege halo aproximasaun ho responsavél ajénsia Narpov Unipessoal, Lda hodi ezije foti osan ne'ebé uza sosa billete aviaun.

Durante aproximasaun, Diretór ajénsia Narpov Unipessoal, Lda, José Alexandre Guterres halo akordu ho pasajeiru sira no promete sei devolve hikas osan iha semana rua laran, sura husi data asina akordu nian.

Bazeia ba akordu ne'e, iha loron 04 fulan-maiu tinan 2021 ne'e, pasajeiru sira ba fali iha ajénsia nia fatin atu foti osan tuir konkordánsia ne'ebé halo ona.

Maibé, Diretór Ajénsia Narpov Unipessoal, Lda, José Alexandre Guterres, la kumpri akordu ne'ebé halo no ameasa koa pasajeiru sira ba servisu administrasaun.

Pasajeiru ne'ebé kanseladu viájen ba Portugal, Armanda de Fátima Soares Doutel, lamenta ho desizaun husi diretór ajénsia nian, tanba fó opsaun rua ba sira atu hili hodi koa osan entre US$250, no koa UU$500.  

“Ami 16, atu dehan katak iha akordu ida ne'ebé ami halo iha kantor polísia katak nia sei fó devolve ami-nia osan iha dia 04 ohin, ne'ebé ami hothotu ohin marka prezensa iha ne'e, atu mai foti ami-nia osan. Mas nia dehan de'it katak, nia sei koa fali ami-nia osan iha US$500, ka US$250. Ida ne'e ba ami la simu, tanba ami seidauk halo cheecking, ou bording past. Ida ne'e mak halo ami la simu nia hakarak”, afirma Armanda iha Aldeia Zero 02, Suku Fatuhada, Postu Dom Aleixo, munisípiu Dili, tersa (04/05).

Ezijénsia ne’e hato’o tanba hakarak husu filafali osan ne’ebé uza hodi sosa ona billete husi ajénsia no husu atu devolve osan ho kompletu.

“Ami hatama US$1995, ida ne'e ami-nia tiket, inklui covid ho hán aviaun nian. La konsege, ami cheecking de'it mós laiha, e boarding past de'it mós laiha. Ami buat hotu laiha, ami fila kanselamentu husi imigrasaun. Klaru ami ezíje atu fó direitu tomak tuir osan ne'ebé molok ne'e ami hatama”, dehan nia. (*)