Lei Insentivu Ba Média, MAPKS: "Ha'u Sei Haka'as-Aan"

MAPKS Francisco Jeronimo MAPKS Francisco Jeronimo Foto Suplai

Tempotimor (Dili)-Relasiona ho lei insentivu ba média ne'ebé antes ne'e hetan ona aprovasaun iha Konsellu Ministru (KM) depois ba Prezidente Repúblika (PR) veta polítiku ba lei refere, maka Ministru Asuntu Parlamentár no Komunikasaun Sosiál (MAPKS) promete, durante mandatu sei haka'as aan hodi haree lei refera para aprezenta hikas iha KM no haruka fali ba Prezidente Repúblika (PR) Francisco Guterres Lú-Olo hodi halo promulgasaun.

"Proposta lei ne'ebé mak antes ne'e aprova tiha iha Konsellu Ministru (KM) maibé PR veta, entaun veta ona mak fó fila fali ba governu para governu haree," dehan MAPKS Francisco Jerónimo ba jornalista sira iha salaun Delta Nova, hafoin halo enxeramentu ba konferénsia Asosiasaun Jornalista Timor Lorosa'e (AJTL) nian, Sabadu (04/07).

Governante ne'e afirma, kona-ba lei ne'ebé hetan veta husi PR, MAPKS sei tuur hamutuk ho jornalista sira buka solusaun.

"Se lei ne'ebé mak PR veta ne'e iha inflasaun ho komunikasaun sosiál no relasiona ho atividade jornalista ninian, ne'e mós fila fali ona ba governu, entaun, ha'u dala ida tan katak, ita sira ne'e sei tuur hamutuk para halo diskusaun hodi haree veta iha parte ne'ebé, hafoin ita halo fali esbosu ida para aprezenta fali ba Konsellu Ministru (KM) para hetan aprovasaun no haruka fila ba PR," nia dehan.

Ministru ne'e akresenta, tempu sei iha tinan ida resin, tanba ne'e governante ne'e sei esforsu, tanba lei ne'e mak hetan promulgasaun husi PR, nia benefísiu ne'e ba jornalista sira, tanba defende jornalista inklui asosiasaun hotu para di'ak liu servisu hakmatek.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.