"Labele preokupa ho lei kriminaliza difamasaun tanba lei ne'e seidauk sai lei, maibé ne'e hanesan ezbosu ida sai husi Ministériu Justisa, agora naklekar iha Timor laran tomak no mós ba to'o mundu katak husik ba hotu-hotu fó nia opiniaun," dehan nia, iha Jornal Independente, Kuarta (10/7).

Ministru dehan, di'ak liu preokupa ho knaar loroloron atu bele atinji objetivu duke preokupa lei difamasaun to'o ikus mai maka nafatin firme iha fatin no nunka mais atu atinji objetivu ruma.

"Ita boot sira labele preokupa demais ho lei difamasaun, husik ba ema hotu fó nia opiniaun, liuhusi hakerek karta ba Ministériu Justisa (MJ)," tenik nia.

Diretór Jornál Independente, José Sarito Amaral hateten, rekomendasaun bá Ministru Asuntu Parlamentár e Komunikasaun Sosiál atu hateten lae ba kriminaliza difamasaun tanba tuir nia, lei ne'e bele fó ameasa ba liberdade espresaun no liberdade imprensa. (*)