Vizita MAPKomS Ba Média: Ha'u Mai La'ós Fahe Osan Mas Hamutuk Ita Buka Solusaun

MAPKomS Francisco Martins da Costa Pereira Jeronimo (Klaran) akompana husi Diretora jornal Timor Post, Santina Araujo (liman karuk husi Ministru) no Xefe Gabinete MAPKomS husi liman Karuk durante dada vizita ba edifisiu Timor Post iha Bebora Dili MAPKomS Francisco Martins da Costa Pereira Jeronimo (Klaran) akompana husi Diretora jornal Timor Post, Santina Araujo (liman karuk husi Ministru) no Xefe Gabinete MAPKomS husi liman Karuk durante dada vizita ba edifisiu Timor Post iha Bebora Dili Foto Celina

Tempotimor (DILI) - Ministru Asuntu Parlamentar no Komunikasaun Sosiál (MAPKomS), Francisco Jerónimo, halo vizita ba órgaun komunikasaun sosiál iha Timor laran tomak.


Iha vizita ne'e, ministru deklara la'ós atu fahe osan ba média sira, maibé atu hamutuk hodi buka solusaun ba dezenvolvimentu média iha Timor-Leste.

"Ha'u-nia prezensa iha ne'e koopera ho imi servisu hamutuk ho ita boot sira hodi buka dalan hamutuk para fó solusaun ba problema sira ne'ebé ita boot sira hasoru. Ha'u labele mai halo lei ida atu fahe osan ba ita boot sira, see ha'u fahe osan ba ita boot sira ema dehan ministru sosa jornalista sira labele ko'alia buat ne'ebé la loos maibé ko'alia buat di'ak de'it", dehan Ministru Jerónimo, iha redasaun Timor Post, Bebora, Kinta (9/7).

Nune'e, prezensa ne'e atu aprezenta aan nu'udar membru governu ida ne'ebé tutela ba iha asuntu komunikasaun no asuntu Parlamentár.

Ministru dehan, iha kometimentu ne'e hakarak atu hakbesik bá média sira hodi ko'alia no rona média sira kona-ba sira-nia hakarak no governu mós iha nia hakarak atu hamutuk informasaun sira ne'ebé la'ós kuantidade de'it maibé iha kualidade no kredivel.

Iha fatin hanesan, Diretora Timor Post, Santina Araujo hateten, Timor Post redús númeru traballadór tanba krize polítika ne'ebé la'o naruk hodi fó impaktu mós ba situasaun ekonomia rai-laran. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.