Tempotimor (Dili) – Ministru Assuntu PArlametar e Komunikasaun Sosiál (MAPKomS) ho nia membru sira halo vizita maratona ba órgaun komunikasaun sosiál hodi buka hatene kondisaun média sira iha Timor-Leste.
“Ami halo vizita maratona ida para atu hatene deit situasaun, atu nune’e bele iha idea hodi halo buat ruma iha área média no asuntu parlamentár," dehan nia, bainhira vizita ba Casa Produção Audiovisual (CPA).
Iha vizita ne'e, ministru dehan, CPA tenke respeita ba Igreja kongregasaun Jesuita ninian Timor, tanba liuhusi sira bele harii atividade lubuk boot ida, liuliu iha área edukasaun no mós area komunikasaun hodi kobtribui ba dezenvolvimentu rai ne’e.
“Ha’u husu ita boot sira atu ajuda ami barak liu oinsa mak atu disemina informasaun ba publik no mós oinsá informasaun sira ne’e bele fó edukasaun di'ak ba ita-nia povu atu halo prevensaun, liuliu ba iha área Covid ninian no mos bá atividade istoriku nian”, dehan Ministru Jerónimo, ba jornalista sira, iha sede CPA, Taibesi, Kinta (16/7).
Ministru hateten, liuhusi sira-nia produsaun konta hikas istoria ne’ebé nia bei-ala sira nian hamosu atu bele eduka joven sira atu iha koñesimentu kona-ba lala'ok saida mak iha tempu pasadu no saida mak ohin loron ne’e.
Iha fatin hanesan, Amu Joaquim hateten, vizita ne'e hanesan sinál apoiu ba esforsu kiik sira ne’ebé bele halo.
"Espera katak kontribuisaun ki'ik ka boot ne’ebe ita bele halo ne’e bele kontribui duni liuliu ba dedikasaun ba povu ida sosiedade ida," dehan nia. (*)