Ministru Jeronimo hato'o lia-hirak ne'e hafoin hala'o vizita kortejia ba instituisaun Radio Komunidade Komoro, kuarta (22/7).

Durante semana hirak ikus ne'e, MAPKomS desidi hala'o vizita kortejia ba instituisaun média privadu no públiku iha Timor-Leste.

Objetivu husi vizita ne'e Ministru Jerónimo hakarak buka hatene problema inisiál sira ne'ebe média sira hasoru iha terrenu.

Ne'e duni, iha vizita badak ne'ebe MAPKomS  halo ba instituisaun Radio Komunidade Komoro, hanesan mós oportunidade atu bele  identifika no rona diretamente ba preokupasauan instituisaun radio ne'e nian.

Hafoin remata vizita, Ministru Francisco dehan, hanesan governante foun mai vizita instituisaun radio komunidade Komoro hodi rona no haree realidade sira ne'ebe média ne'e hasoru atu bele hadi'a hamutuk iha futuru.

Iha vizita ne'e simu mos ezijénsia jornalista sira nian instituisaun ne'e nian kona-ba rekursu umanu no mós problema téknika sira.

Nune'e, ministru husu ba instituisaun radio komunidade Komoro atu nafatin sai média ne'ebe di'ak no profisionál hodi kontribui ba dezenvolvimentu.

Iha fatin hanesan, Diretór Radio Komunidade Komoro, Natalino Fernandes Ximenes, apresia ba prezensa MAPkomS ne'ebe konsege vizita no rona diretamente ba  preokupasaun ne'ebé sira hato'o.

Nia dehan, preokupasaun sira ne'ebe hato'o ba MAPKomS maka hanesan rekursu umanu, teknikamente materia, no mos kona-ba sira-nia nesesidade sira seluk. (*)