Governu Deside Entrega Prosesu Ró Haksolok Ba RAEOA

Ministru Prezidensial Konsellu Ministru, Fidelis Manuel Leite Magalhães  iha sorumutuk ruma liu ba Ministru Prezidensial Konsellu Ministru, Fidelis Manuel Leite Magalhães iha sorumutuk ruma liu ba Foto Twitter

Tempotimor (Dili) - Governu liuhusi reuniaun Konsellu Ministru (KM) aprova projetu rezolusaun hodi entrega prosesu konstrusaun Ró Haksolok ba Zona Espesiál Ekonomia Merkadu Sosiál (ZEEMS) no Reziaun Aadministrativu Espesiál Oekusi Ambeno (RAEOA).

Ministru Prezidensial Konsellu Ministru, Fidelis Manuel Leite Magalhães hateten, entrega prosesu Ró Haksolok ba fali RAEOA atu bele kontinua hala'o ninia prosesu tanba, antes ne'e prosesu hotu governu sentrál mak toma konta.

"Projetu ne'e iha rezolusaun atu transforma fali prosesu hotu ba RAEOA tanba, antes ne'e prosesu Ró Haksolok iha governu sentrál. Agora governu sentrál fó fali ba iha RAEOA atu bele lori prosesu ne'e ba oin", dehan nia, hafoin reuniaun Konsellu Ministru, iha Palásiu Governu, Kuarta (8/7).

Nia dehan, governu sentrál ninia kompeténsia ba prosesu Ró Haksolok karik husi RAEOA solusita téknika ruma governu fó bainhira solisita.

"RAEOA ne'e iha autónomu ba patrimóniu administariva finansas, entaun prosesu konstrusaun Ró Haksolok la presiza hela iha Governu sentrál", tenik Nia.

Projetu rezolusaun ne'e aprezenta husi Primeiru Ministru, Taur Matan Ruak, hetan ona aprovasaun husi Konsellu Ministru. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.