Tuir Arsenio Paixão Bano, Autoridade mós halo rekrutamentu bá Pesoal Saúde sira par bele haree kontrola fatin iha izoladu sira hanesan iha Bieli, Citrana no iha Oekusi Banafi nian.
"Fatin sira ne'e ami deskonfia iha movimentu populasaun Oekusi ho populasaun Indonesia", dehan Arsenio hafoin partisipa abertura Solene sesaun da-III iha kinta lejislatura, lidera husi Prezidente Republika, iha planaria PN, Tersa (15/09).
Nia hateten, kazu Covid iha Indonesia ne'e aumenta bá bei-beik, tan ne'e Oekusi Rai ketak, entaun prioridade primeru mak halo prevensaun.
"Ami servisu lor-loron, Ami deskuti lor-loron, interven lor-loron halo prevensaun no mós halo konsensializasaun lor-loron ba populasaun oakusi atu hadook an husi fronteira, atu nune'e mós kumpri nafatin prosedimentu Mai husi Organizasaun Mundial Saúde (OMS) ho Ministeru Saúde", Nia hatutan.
Nia akresenta, to'o agora felismente horseik no horibainrua ema na'in 30 mak tama no oras ne'e iha kuarentina, maibé positivu seidauk iha.
"Ami hatete bei-beik movimentu ilegais iha fronteira no autoridade deside halo dadauk prosesu aprosedimentu ba harii kuarentina, aumenta fasilidades aaúde iha fronteira no pontu entrada hotu-hotu iha sakato, oesilo no citrana", Nia Haktuir.(*)