Arsénio: "Oekusi Susar Liu Bé Mos"

Prezidente Autoridade Rejiaun Administrativu Espesiál Oekusi-Ambenu, Arsénio Bano ko'alia hela ba Jornalista sira hafoin hasoru malu ho PM Prezidente Autoridade Rejiaun Administrativu Espesiál Oekusi-Ambenu, Arsénio Bano ko'alia hela ba Jornalista sira hafoin hasoru malu ho PM Foto Tempo Timor

Tempotimor (Dili) - Prezidente Autoridade Rejiaun Administrativu Espesiál Oekusi-Ambenu, Arsénio Bano hateten, dadaun ne'e Oekusi susar tebes ba bee-moos, nune'e sei preve Orsamentu Jerál Estadu tinan fiskál 2020 hodi halo perfusaun iha fatin lima.


"Bee-moos susar tebes. Agora Oekusi distribui bee-moos loron-loron ne'e husi litru 50.000 ba leten, semana rua liubá to'o litru 200.000," dehan Prezidente RAEOA, Arsenio Bano, hafoin partisipa reuniaun Konsellu Ministru, iha Palásiu Governu, Kuarta (23/9).

Nia akresenta, atu distribui bee de'it, autoridade RAEOA tenke aluga karreta Bombeiros neen no rua husi autoridade nian.

Tanba ne'e, Arsenio hateten, iha orsamentu 2020 nian, sei halo perfurasaun boot iha fatin hanesan Oesilo, Pasabe, Pante Makasar ida-ida no Nitibe de'it maka rua, nune'e distribui ba eskola, postu saúde inklui komunidade.

"Perfurasaun bee liman ne'e besik tokon US$ 3, inklui sosa karreta tanke ba sub-rejionál sira," dehan Arsénio.

Entretantu, Arsénio hateten, total populasaun ne'ebé seidauk asesu ba bee-moos iha Oekusi besik ema 30.000. Nune'e, autoridade aprezenta proposta atu propurasaun ba bee, inkluk halo tanke bee rezerva husi enxe bee litru rihun 100 to'o rihun 200. (*) 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.