Prezidente autoridade RAEOA, Arsenio Bano hatete, Ró Haksolok daudaun iha prosesu negosiasaun.

"Ro haksolok orsida ha'u ko'alia sala iha ne'e mais ha'u hanoin Ró Haksolok sei mai, sei la'o diak hela, ha'u labele revela negosiasaun ne'e, ita boot sira hatene kuandu Ro Haksolok la mai ha'u sei bertangung jawab, mais di'ak hela rezultadu ita boot sira hein," nforma nia hafoin sorumutu ho Primeiru Ministru Taur Matan Ruak, iha Palásiu Governu, kinta (21/01/21).

Nia hatutan, apoia husi parte hotu garante Ró Haksolok sei to'o mai Timor-Leste.

"Ha'u fiar katak, ho apoiu governu sentrál, eh ha'u fiar ho lideransa Primeiru Ministru, hetan mos apoiu husi Eis-Primeiru Ministru Dr. Mari Alkatiri ita sei rezolve Ro Haksolok",

Nia dehan, labele fó detallu kona-ba prosesu Ró Haksolok mai Timor-Leste, tanba ne'e estratéjia negosiasaun.

"Polítika di'ak Ró Haksolok sei mai, ha'u labele hatete detallu", dehan Nia. (*)