Items filtered by date: Tuesday, 07 January 2020

Servisu iha Australia ho Seasonal Worker Program (SWP) la’os fasil maibe programa ne’e nia dezenha hodi koko atu proteje servisu nain sira hotu husi kondisasun ne’ebe susar ka mukit. Liu husi program ne’e ema Timor barak hetan oportunidade diak.

Published in Opiniaun
Wednesday, 08 January 2020 00:06

Adriano : Aprova OJE 2020 Depende AMP

Tempotimor (Dili)- Orsamentu Jeral Estadu tinan fiskal 2020 atu pasa iha Parlamemtu Nasional fila-fali ba vontade no konsensu Partidu koligasaun Aliansa Mudansa ba Progresu (AMP) nu'udar bloku maioria.

"Depende AMP, se AMP kontra, entaun kontra rame-rame, ne'ebé konforme sira, tanba ami opozisaun ne'e atu di'ak ka aat ne'e ami kontra hela de'it," dehan Deputadu PD, Adriano do Nascimento iha Uma Fukun PN, Segunda (6/1).

Deputadu ne'e akresenta, ba opozisaun kontra ne'e normal, maibé oinsa ho AMP sira apoiu malu ka lae, kuaandu laiha maka automatikamente OJE 2020 ne'e sei la pasa.

Orientasaun politika PD nian maka bainhira Governu la tau prioridade ba setor importante sira hanesan edukasaun, saúde, agrikultura, bee no Saneamentu maka sei vota kontra.

Tuir nia, atu dezenvolve nasaun no povu mak governu tenke dezenvolve setór importante ne'ebé liga direta ba povu nia moris.

Entretantu orsamentu jeral estadu (OJE) tinan fiskal 2020 ne'ebé governu submete fali ba PN iha loron 19 Dezembru 2019 ho total biliaun $1.668.

Published in Politika

Tempotimor (Dili) - Prezidente Republika Fransisco Guteres "Lu-Olo" konfirma sei labele partisipa tomada-de-pose prezidente republika foun Mosambike nian, iha 15 Maiu 2020.

Published in Politika
Tuesday, 07 January 2020 23:41

Governu 'Hahú' fo Atensaun Setor Turizmu

Tempotimor (Dili)-  Governu rekonese no fo importansia ba area turizmu tanba ne'e sei dezenvolve sitiu turistiku iha rai laran. 

Published in Ekonomia
Tuesday, 07 January 2020 22:45

Redus OJE MTK, Ameasa ba Reseita Estadu

Tempotimor (Dili)-Ministru Transporte no Komunikasaun (MTK), Jose Agustinho da Silva hateten, Orsamentu Jeral Estadu (OJE) tinan fiskal 2020 ne'ebe redus sei afeta ba atendementu publiku no fo efeitu negativu ba reseita Estadu nian.

Published in Politika
Tuesday, 07 January 2020 19:04

OJE 2020 ba MESSK Redus 32%

Tempotimor.com (Dili) - Miniteriu Ensinu Superior Siensia no Kultura (MESSK) hetan redusaun Osamentu Jeral Estadu (OJE) 2020 hamutuk 32%.

Published in Edukasaun & Kultura
Tuesday, 07 January 2020 18:42

Laiha figura Ida Bo'ot Liu Estadu

Tempotimor (Dili) - Situasaun politika kontinua lao estavel hafoin partidu koligasaun Aliansa Mudansa ba Progresu (AMP) vinga malu iha governasaun laran.

Published in Politika
Tuesday, 07 January 2020 18:28

Deputadu PN Kestiona Kualidade Edukasaun

Tempotimor (Dili)- Deputadu Parlamentu Nasional (PN) kestiona kualidade edukasaun iha Timor-Leste.

Deputada Josefa Alves hatoo kestaun ne'e bainhira halo audiensia ho Ministra Edukasaun, Dulce de Jesus Soares, iha Parlamentu Nasional, Tersa (7/1).

Deputada ne'e kestiona tanba prosesu estudu no rezultadu ezame final hamosu duvida.

Nia fo ezemplu, Ensinu Tekniku Vokasional, prezensa alunu iha prosesu aprendijazen 85% efetividade maibe hafoin ano letivu alunu sira ne'e aprovadu 100%.

"Oinsa mak ne'e? Supervizaun husi Ministeiru Edukasaun lao ka lae? Loloos ensinu vokasional sira ne'e pratika mak barak, maibe realidade sira lao tun sae deit," dehan Josefa.*

Published in Edukasaun & Kultura

Tempotimor (Dili) - Timor-Leste halo emprestimu lubuk ida hodi halo dezenvolvimentu iha rai laran. Maibe osan hirak ne'e presiza iha jestaun no kontrolu diak tanba laiha maka bele lori fali dezastre.

Deputadu Francisco Branco hatete, osan hirak ne'ebé Governu empresta husi ajensia internsional sira seidauk hatudu loloos ninia jestaun ne'ebé di'ak.

Ne'e duni, bolu atensaun ba Governu atu kontrolu didiak ezekusaun orsamentu hirak ne'e tanba bele lori nasaun ne'e ba tusan.

"Kuandu Liu tiha tempu ne'e implika kustu aumenta tan, inves-de Ita hetan benefisiu maibe kontrariu fali husi emprestismu," dehan Branco, iha Uma Fukun Parlamentu Nasional, Tersa (7/1).

Nia fo ezemplu, kontrusaun estrada realmentehatudu duni benefiu ba povu, maibe hafoin remata konstrusaun tanba la tau atensaun ba manutensaun entaun la to'o tempu estrada aat fali.

Timor Leste rasik iha kontratu ba projetu sira ne'ebé hahú CAFI (Concelho Administrativo Fundo Infraestrutura) harii jere ho total montante hamutuk $3,245,264,000 (kontrato acumulado) inklui LOAN/EMPRESTIMO.

Husi total kontratu ne'e pagamentu akumuladu  até Dezembro 2018 hamutuk $940,192,000. Total despeza (selu) iha tinan 2019 hamutuk $307,358,000. Saldo (restu) ne'ebe governu tenke selu tusan ba kontrator sira hahu husi 2020 ba oin hamutuk $1,935,102,000. (*)

 
Published in Politika
Tuesday, 07 January 2020 17:59

MAP Husu Labele Koa Orsamentu ba Irigasaun

Tempotimor (Dili) - Atu responde ba ezijensia agrikultor sira kona-ba problema irrigasaun maka Ministru Agrikultura no Peska (MAP) husu atu labele koa orsamentu b manutensaun irrigasaun.

Ministru Agrikultura  no Peskas, Joaquim Jose Gusmao dos Reis Martins hatete, orsamentu ba manutensaun irrigasaun nian importante tebes tanba dezde 2017 to'o 2019 seidauk halo manutensaun.

"Ita husu ba Komisaun Revizaun Orsamental (KRO) atu konsidera fila-fali kapital dezenvolvimentu ba irrigasaun ne'ebé sai mos preokupasaun husi deputadu sira bainhira hala'o fiskalizasaun", dehan Joaquim, iha Uma Fukun PN, Segunda (6/1).

Nia dehan, orsamentu ba area sira seluk bele halo redusaun, maibe espesialmente ba irrigasaun nian husu atu labele muda buat ida. (*)

Published in Politika
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2020 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter