Tempotimor (Díli)- Governu liu-husi reuniaun Liña-Ministeriál preve ona orsamentu ho montante Dolar Amerikanu rihun atus sia tolu-nulu resin-tolu ($933 Mill) ba vítima dezastres naturais iha munisípiu Aileu, Ainaru, Liquiça no Bobonaro.
SEPS Rejistu Vítima Inundasaun Uma Kain 1.105
March 16, 2020Tempotimor (Dili) - Sekretariu Estadu Protesaun Sivil (SEPS) rejistu ona familia sira ne'ebé vítima ba dezastre naturais iha Munisípiu Dili hamutuk 1.105.
Taur Orienta Membru Governu Labele 'Rende'
February 24, 2020Tempotimor (Dili) - Xefe Governu VIII Governu Konstitusionál, Taur Matan Ruak, orienta ba ninia membru sira atu lalika 'rende'. Husu atu kontinua servisu to'o mosu governu foun.
OJE Ba SEPS Redús, Hanaruk Terus Vítima Inséndiu
December 19, 2019
SEPS Husu MOP Kria Kondisaun Estrada No Bee
October 25, 2019Tempotimor (Dili) – Sekretáriu Estadu Protesaun Sivíl (SEPS), Alexandrino de Araujo ezije ba Ministériu Obras Públika (MOP), atu bele kria kondisaun ba estrada no be'e, hodi fasilita Bombeirus rezolve problema sunu rai, ne'ebé daudaun akontese iha fatin barak.
"Presiza koperasaun ho liña ministeriais sira seluk. Liuliu Ministériu Obras Públika (MOP). Tanba, Bombeirus ita rekruta no iha ekipamentu. Maibé, kuandu ahi han no dalan la asesu ou dalan aat. Ne'e problema," dehan SEPS iha Parlamentu Nasionál, Sesta (25/10/19).
La'ós problema asesu ba estrada de'it, SEPS mós lamenta ho situasaun balun ne'ebé akontese hodi obriga Bombeirus labele halo nia servisu ho di'ak.
"Tuir fali kona-ba bee. Hanesan foin lalais akontese iha Asumanu, Munisípiu Liquica, semana liubá. Bainhira Bombeirus ba rega, depois bee iha tanki hotu. Nia tenke karega fali bee. Mas, tenke ba buka bee iha fatin seluk. Ida ne'e katak, presiza iha preparasaun bee," nia haktuir.
SEPS reafirma katak nia mós halo ona planu iha orsamentu ba tinan 2020, hodi halo rekrutamentu tan Bombeirus no hola ekipamentu Bombeirus nian.
Millaun $1.8 Ba Dezastre Naturais
October 17, 2019Tempotimor (Dili) – Sekretáriu Estadu Protesaun Sivíl (SEPS), Alexandrino Xavier de Araujo relata, iha tinan ida ne'e, SEPS preve orsamentu ba prevensaun protesaun dezastre naturais hamutuk millaun $1.8.
"Prevensaun ba dezastre naturais bazeia ba montante osan millaun $1.8 hau hanoin la to'o. Tanba, iha buat rua mak presiza prevensaun. Dahuluk, kuandu situasaun akontese ita apoiu emerjensia entaun presiza orsamentu, depois apoiu emerjensia ne'e hotu presiza rekoperasaun no rekonstrusaun ba populasaun ne'ebé hetan dezastre," esplika SEPS, iha edifisiu Ministériu Solidariedade Sosiál no Inkluzaun (MSSI), Kaikoli, Kinta (17/10/19).
Nia dehan, hanoin ba orsamentu ne'e la to'o maibé, koordena ho liña ministeriál sira seluk bazeia ba orientasaun Primeiru Ministru Taur Matan Ruak nian.
“Tanba, ministériu sira seluk mós presiza orsamentu ba asuntu importante. Entaun, tenke iha liña koordesaun para bele rezolve situasaun hirak ne'e," esplika Alexandrino.
Nia afirma, iha planu to'o 2023 presiza mak enkuadramentu legál ne'ebé daudaun prepara hela, no presiza infraestrutura ne'e liga ba munisípiu i fatin sira seluk. Koordenasaun mós ho liña ministeriál no presiza formasaun ba protesaun sivíl, inklui Bomberus dezastre naturais, seguransa sivíl no ida seluk oinsá atu halo kooperasaun ho ajénsia internasionál no kooperasaun bilaterál.
Tempotimor (Dili) Sekretária Estadu Ambiente (SEA) realiza Konferensia Nasionál (KN) Alterasaun Klimatika hodi redefini asaun prioridade estadu Timor Leste hodi kontribui ba asuntu klimatika nian.
in English
Popular
Error: No articles to display
.