Login to your account

Username *
Password *
Remember Me

Tempotimor (Dili)-Governu liuhusi Konsellu Ministru (KM) aprova ona projetu dekretu-lei ne’ebé aprezenta husi Ministru Petróleo no Rekursus Minerais, Francisco da Costa Monteiro, kona-ba Timor Gas & Petróleu, E.P (TIMOR GAP), Autoridade Nacional Petróleu (ANP), No Institutu Petróleu no Jeolójia (IPJ).

Ba alterasaun daruak kona-ba Dekretu-Lei nú. 31/2011, loron 27 fulan-jullu, TIMOR GAP-Timor Gas & Petróleu, E.P. Alterasaun ida-ne’e ho objetivu atu korrije impresaun no falla sia ne’ebé deteta ona, nune’e mós adapta estrutura governasaun TIMOR GAP, E.P nian, sai norma ne’ebé empreza internasionál no nasionál hosi setór enerjétiku halo-tuir, aleinde habelar ninia ámbitu atuasaun hodi hasoru dezafius tranzisaun enerjétika ho di’ak liu.

Tanba ne’e, buka mós atu simplifika no otimiza diploma ne’e, hodi revoga dispozisoins ne’ebé prevee ona iha lejizlasaun aplikavel seluk atu evita duplikasaun no konfuzaun.

Nune’e mós reorientasaun estratéjika ne’e ho objetivu atu foka TIMOR GAP, E.P. iha ninia misaun prioritária, hodi evita desperdísiu iha atividade komersiál sira ne’ebé ladún iha vantajen, enkuantu projetus estratéjiku ba futuru Timor-Leste nian seidauk hetan avansu ne’ebé ita hakarak.

Iha altesaun ne’e mós atu aumenta grau transparénsia no kontrole atuasaun TIMOR GAP, E.P. nian, hodi aliña ninia atividade ne’e ho prátikas internasionais ne’ebé di’ak liu no lejizlasaun nasionál, hodi kontribui ba kredibilidade setór ne’e, no ba manutensaun estatutu Timor-Leste nian iha Inisiativa ba Transparénsia iha Indústrias Extrativa.

Ba alterasaun datoluk kona-ba Dekretu-Lei n. 20/2028, loron 19 fulan-juñu, ne’ebé kria Autoridade Nacional Petróleu. Ho alterasaun ida-ne’e, Autoridade Nasionál Petróleu sei asume fila-fali kompeténsia no atribuisaun sira ne’ebé ho eskluzivu sentraliza iha matéria ida setór petróleu no gas no área sira ne’ebé iha relasaun, hodi nune’e bele foka iha setór ne’e no aloka ninia rekursus tomak ba ninia dezenvolvimentu atu nune’e bele kontribui ho forma efetiva, hanesan halo ona to’o daudaun ne’e, ba dezenvolvimentu ekonómiku nasaun ne’e nian, nune’e mós hodi permite investimentu Estadu nian iha setór ekonómiku no sosiál prioritáriu sira seluk.

Alterasaun ne’e mós atu kria fila-fali mós regras organizasaun estrutura ezekutiva ANP nian, hodi fó prioridade ba méritu no kompeténsias téknikas ninia ekipa nian, aleinde habelar ninia ámbitu hodi ninia atuasaun hodi abranje área foun sira ne’ebé mai-hosi tranzisaun enerjétika.

Ba kriasaun Autoridade Nasionál Minerais, Institutu Públiku ne’ebé ho ninia atribuisaun sira, atu atua hanesan instituisaun reguladora ba setór rekursus minerais ho kumprimentu ne’ebé rigorozu ba  dispozisoins ne’ebé prevee ona iha Kódigu Mineiru, iha kualkér lejizlasaun ka regulamentasaun ezistente ka futura ne’ebé regula setór rekursus minerais.

Nune’e Kompeténsia regulasaun Autoridade Nasionál Minerais nian limita ona ba setór ne’ebé reguladu, no restrinje ba fiksasaun norma téknika operasionál sira, rekizitu sira ne’ebé h natureza administrativa ka regula inkumprimentu hosi rua ne’e, ho dependénsia no obediénsia ne’ebé rigoroza ba lei sira ne’ebé vigora, inklui, liuliu, ba efeitu hosi Artigu 157.º n. 2 Kódigu Mineiru.

Estinsaun Kompañia Mineira Timor-Leste, S.A. no kriasaun Murak Rai Timor, E.P.. Hodi konsidera indísius rikeza minerál, no aumentu signifikativu iha númeru privadus interesadus hodi investe iha setór rekursus minerais, sai imperativu fó ba Estadu mekanizmu nesesáriu sira hodi atua, ho forma efisiente, klara no transparente iha setór xave ekonomia nasionál ida-ne’e.

Haree ba prioridade no interese estratéjiku nasionál sira, tuir hatuur ona iha Programa Governu Konstitusionál IX rekomenda revizaun profunda ida ba forma partisipasaun Estadu nian iha Atividades Mineiras, hanesan liuhosi estinsaun Kompañia Mineira Timor-Leste, S.A, no kriasaun Emprea Públika ida ne’ebé bele atua iha setór ne’e ho forma plena no efikás, ho tutela no supervizaun efetiva hosi Governu.

Alterasaun dahuluk kona-ba Dekretu-Lei n. 33/2012, loron 18 fulan-jullu, ne’ebé kria Institutu Petróleu no Jeolójia. Hodi konsidera katak Institutu Petróleu no Jeolójia (IPJ) kria liu ona tinan 11 liubá, presiza atualiza ninia organizasaun no misaun, hodi garante melloramentu ba koñesimentu ne’ebé kontínuu kona-ba rekursus jeolójikus ezistente no posibilidade ba aproveitamentu sustentavel iha konseitu ekonomia sirkulár ida, ho ninia transformasaun iha Institutu Petróleu no Jeolojia.

Institut públiku ida-ne’e ho nia misaun prinsipál atu fó impulsu no realiza asaun investigasaun, demonstrasaun no transferénsia koñesimentu, asisténsia téknika no teknolójika, apoiu laboratorial no prestasaun servisus seluk ne’ebé dirije ba empreza sira, iha área jeosiénsias no geoteknolojias. (*)

Tempotimor (Dili)-Governu liuhosi reuniaun Konsellu Ministru extraordináriu autoriza Ministériu Petroleu no Minerais (MPM), Vítor da Conceição atu tranfere despeza ba tranferensia fundu husi Orsamentu Jerál Estadu (OJE) Timor Gap, EP ho valór montante rihun US$54.

Tempotimor (Dili)-Governu Timor-Leste liuhusi TIMOR GAP, Woodside, no Osaka Gas halo ona negosiasaun hodi hili konsultan terseira parte ne’eb’e espesialista no kredivel atu hahú halo estudu evaluasaun ba opsoins konseitu dezenvolvimentu kampu Greater Sunrise (GSR).

Tuir informasaun ne'ebé www.tempotimor.com asesu iha pájina Facebook Primeiru Ministru, Taur Matan Ruak (05/02), katak, liu husi TIMOR GAP nia ekipa negosiasaun ba Greater Sunrise konsege ultrapassa desafiu no obstákulu iha negosiasoins, nune'e konsorsiu GSR ou Sunrise Join Ventures (SJV) ne’ebé kompostu husi TIMOR GAP, Woodside, no Osaka Gas konkorda atu hili konsultan terseira parte ne’ebé espesialista no kredivel atu hahú halo estudu evaluasaun ba opsoins konseitu dezenvolvimentu kampu GSR.

Nune'e, Sunrise Join Ventures (SJV) sei determina konseitu dezenvolvimentu ba kampu mina no gas GSR ho foku prinsipal ba dada kadoras mai RDTL no dezenvolvimentu LNG iha RDTL, resultadu estudu avaliasaun sei kompleta menus husi fulan 6 nia laran.

Fo hanoin fali, depois deskobrimentu komersiál kampu mina no gas Greater Sunrise (GSR) iha tinan 1974, no tinan 20-resin kampu GSR ne’ebé lokaliza iha área konjunta entre RDTL- Australia, la iha certeza ba opsoins atu dezenvolve kampu mina no gas GSR, tanba diferensia hanoin entre governu RDTL no Australia nomos entre Operador Woodside no Konsorsio Sunrise nian relasiona ho konseitu dezemvolvimentu Kampu no fatin atu dada kadoras ba Gas sunrise nian. (*)

 

Tempotimor (Dili)- Ekipa husi Timor GAP atualiza progresu ba levantamentu terrenu ka rai iha Beasu-Vikeké ba Ministru Justisa (MJ), Tiago Amaral Sarmento.

Tempotimor (Dili)-Ministru Petroleu no Minarai (MPM), Victor da Conceição Soares hatete, dadaun ne'e Governu kontinua esforsu ho seriedade atu rezolve problema dezenvolvimentu Greater Sunrise Timor-Leste nian.

Tempotimor (Dili)-Prezidente Partidu Congreso Nacional de Reconstrução de Timor (CNRT), Kay Rala Xanana Gusmão, konsidera COVID-19 ne’ebé mosu iha mundu inklui mós Timor-Leste konsege impede ema balun tenta atu fa’an Greater Sunrise.

Tempotimor (Díli)-Ministru Petroleo no Minerais (MPM), Víctor da Conceição Soares hatete, Governu Timor-Leste hakarak diskute direta progresu Greater Sunrise ho Governu Austrália, tanba durante diskusaun de'it husi email no Video Zoom.

Tempotimor (Dili)-Prezidente Repúblika (PR), Francisco Guterres 'Lú Olo', husu Governu atu servisu hamutuk ho empreza sira hodi tau matan ba atividade prefurasaun mina-rai no gás iha Suai.

Tempotimor (Díli)-Governu liuhusi Ministru Petróleu no Minerál (MPM), Victor da Conceição, esforsu hela hodi otimaliza kampu Bayu Unda no perfurasaun foun iha Timor Leste.

Tempotimor (Dili)- Governu Timor Leste fo fiar ba Timor Gap, E.P. hodi troka SACOM nune'e kompania estatal refere halo ona ezersisiu hodi servisu hamutuk ho Eletrisidade Timor-Leste (EDTL) fornese konbustivel ba sentral eletrika betanu, ne'ebé antes ne'e kompañia SACOM energia Lda, mak fornese ho kuantidade mina millaun 50.122, 829,67 litrus.

Page 1 of 4
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter