Rekrutamentu F-FDTL La'ós Ba Veteranus Nia Oan De'it  

Xefe Estado Maior F-FDTL, Coronel Calisto dos Santos Coliati. Xefe Estado Maior F-FDTL, Coronel Calisto dos Santos Coliati. Foto: tempotimor.com

Tempotimor (Dili) – Rekrutamentu ba forsa F-FDTL 2020 fó prioridade ba veteranus nia oan. Maibé, la signifika taka dalan ba ema seluk. Tanba, tenke kumpri kriteria ne'ebé sai tiha ona.

Xefe Estado Maior F-FDTL, Coronel Calisto dos Santos Coliati informa kestaun ne'e hafoin akompaña Xefi Estadu Maior Jenerál F-FDTL, Major Jenerál Lere Anan Timur no Vise Xefi Estadu Maior Jenerál F-FDTL, Brigadeiru Jenerál Falur Rate Laek, hasoru Prezidente Repúblika iha Palásiu Prezidensiál, Bairru-pite, Dili, Kuarta (20/11/19).

"Jenerál dehan fó prioridade ba veteranus nia oan. La signifika veteranus nia oan de'it mak sei tama rekruta. Maibé, rekruta jerál ba timoroan tomak. Feto ka mane, ne'ebé prenxe kriteriu. Sira ne'e mak sei tama ba tropa," informa Coronel Coliati.

Nia dehan, prosesu hotu-hotu sei tuir kriteriu. Ho nune'e, sei laiha tan sistema familiarismu para aplika iha faze rekrutamentu nian.

"Kriteriu hotu fó sai ona no rekezitu hirak ne'e mak importante. Komesa 25 Novembru, ekipa rekrutamentu sei lori formulariu ba to'o suku sira," Coronel Coliati esplika.

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com