TL sei Deporta Sidadaun Indonezia na’in 10

Ro hi haran KLM Sahabar Jaya, tula ema sidadaun Indonezia hamutuk nain sia tama ilegal mai iha tasi Timor Leste hetan kapturasaun husi autoridade sira ne'ebe para hela iha portu Dili Ro hi haran KLM Sahabar Jaya, tula ema sidadaun Indonezia hamutuk nain sia tama ilegal mai iha tasi Timor Leste hetan kapturasaun husi autoridade sira ne'ebe para hela iha portu Dili Foto Suplai

Tempotimor (Díli)-Autoridade seguransa Timor Leste sei deporta sidadaun Indonezia na’in 10 ne’ebé tama illegal iha Timor Leste.

Tuir informasaun ne’ebé Tempotimor.com asesu, entre sidadaun Indonezia na’in 10 ne’e, na’in sia (9) seluk hetan kapturasaun bainhira tama iha portu Dili ho intensaun atu foti sasan obralan hodi ba fa’an iha Indonezia. Sidadaun Indonezia ne’e tama la ho dokumentus.

Diretór Jeral Imigrasaun, Superintendente Polisia Augustinho Gomes informa, ninia parte daudauk ne’e prosesa hela sidadaun Indonezia na’in 10 ne’ebé tama illegal mai Timor Leste.

"Agora dadaun sei halo hela prosesu investigasaun, nia prosesu sei final," dehan Augustinho iha nia knar fatin, Edifisiu Ministériu Interior, Kaikoli, Segunda (13/01).

Maske la esplika klaru sidadaun Indonezia hirak ne’e hetan kapturasaun iha ne’ebé no horibainhira, Diretór Jeral ne’e dehan de’it katak sira kaptura sidadaun hirak ne’e tanba tama illegal.

Nia hatete tan, prosesu mak deside sidadaun Indonezia  hirak ne’e lori ba Ministériu Públiku ka prosesa tuir lei imigrasaun nian.

“Nia prosesu ikus konserteza sei haruka fila Sidadaun sira ne'e ba sira-nia raí," dehan Agustinho.

Seguransa Tasi Timor Leste fraku tebes nune'e dala barak ona sempre fo esbasu ba ema halo atividade kontra bandu no pratika peska ilegal.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com