Print this page

Governu Tau Tokon $31 Sosa Ró Nakroma II no Ró Patrulla

By January 15, 2020 1579

Tempotimor (Dili) - Asegura tasi Timor husi peska ilegal no fasilita pasajeiru Oekusi no Atauru, maka governu deside hodi aloka osan hamutuk tokon $31.1 hodi sosa Ró Nakroma II no ró patrulla.


Ministru Defeza Seguransa no Interior interinu, (MDSI), Filomeno de Jesus Paixão hatete, governu propoin ona orsamentu hodi sosa ró balu hodi apoiu prosesu dezenvolvimentu iha rai laran.

"Ró ne'e balun mai ho arma no balun la ho arma", dehan nia, iha  Uma Fukun Parlamentu Nasionál, Kuarta (15/1).

Antes ne'e Governu hasai ona osan tokon lubun ruma hodi kontroi ro Haksolok maibe ate ohin seida'uk iha serteza. Tuir Governu nia hanoin Ró Nakroma II atu rezerva ba apoia Ró Nakroma I, bainhira halo manutensaun ka sae doka iha estranjeiru. Tanba normalmente manutensaun ró presiza tempu kleur uitoan.

Nune'e, ró patrulla nian atu halo operasaun hodi asegura rikeza tasi Timor nian husi naok-teen sira.

Entretantu, ró operasaun sem arma ninia funsaun atu dada ró operasaun sira seluk mai rai maran bainhira falla, inklui xupa mina fo'er bainhira fuga iha tasi-laran no mós tula peskadór ilegal sira bainhira kaer sira iha tasi territoriu Timor-Leste nian.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items