Login to your account

Username *
Password *
Remember Me

Lere: Kuidadu Kilat Ilegál Tama Timor

Major Jeneral F-FDTL, Lere Anan Timur ko'alia ba midia iha Palasiu Prezidensial (19/2) Major Jeneral F-FDTL, Lere Anan Timur ko'alia ba midia iha Palasiu Prezidensial (19/2) Foto Midia PR

Tempotimor (Dili) - Xefe Estadu Maiór Jenerál FALINTIL-FDTL sei aumenta numeru forsa F-FDTL iha fronteira, husi seksaun ida sei hasa'e ba peletaun ida atu hametin seguransa iha área ne'ebá.

Xefe Estadu MaiórJenerál, Lere Anan Timur prekupa ho linã fronteira tanba linã fronteira Timor ne'ebe naruk, inklui kondisaun mínimu nune'e krime organizadu balun bele aproveita hodi hatama kilat ilegál.

"Iha informasaun dehan kilat tama Timor (mas) ha'u la fiar. Maibé, ita tenke tau konsiderasaun keta tama duni tanba ita-nia seguransa iha fronteira fraku," Majór Jenerál Lere, iha Palásiu Prezidensiál, Bairru-Pité, Kuarta (19/2).

Nia hatutan, bainhira seguransa iha fronteira mak la kontrola maka bele mosu krime organizadu sira atu aproveita lakuna iha fronteira.

Lere akresenta, alende seguransa fraku, timoraon balun ne'ebé laiha nasionalizmu no patriotizmu bele fasilita mós krime organizadu sira tama iha Timor liuhusi fronteira.

Ne'e duni, nia hatete, FALINTIL-FDTL iha fulan-Fevereiru 2020 nia-laran, sei reforsa tan membru peletaun ida iha Postu Tunu-Bibi no Postu Tiliomar.

"Uluk seksaun ida mas, agora bele peletaun ida ka liu, iha Postu Tunu-Bibi no Tiliomar", dehan nia.

Entertantu, iha enkontru semanál ho Prezidente Repúblika,  Francisco Guterres Lú Olo, Xefe Estadu Maiór Jenerál, Lere Anan Timur, hato'o katak, seguransa jeralmente la'o hakmatek mezmu mosu akontesementu kiik maibé la afeta ba estabilidade nasionál. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter