PNTL Nafatin Uza Lei Arma Branka Atua Arte-Marsiál

Komisariu PNTL, Faustino da Costa Komisariu PNTL, Faustino da Costa Foto file
 
Tempitimor (Dili) - Komandu Polisia Nasionál Timor-Leste (PNTL) fó atensaun ba grupu arte-marsiál atu labele halo atividade bainhira seidauk rejistu. Nune'e, PNTL nafatin Uza Lei Nu 5/2017 kona-ba Arma Branka atu kontrolu atividade arte-marsiál. 

"Maski rezolusaun 2013 revoga ka absolve mas la siginifika arte-marsiál hotu-hotu halo atividade tuir-nia hakarak," dehan Komandante Jeral PNTL, Komisáriu Faustino da Costa, iha Palásiu Prezidensiál, Bairru-Pité, Kinta (27/2).

Nia hatutan, arte-marsiál tenke halo tuir Lei Nu 5/2017, ne'ebé iha lei ne'e hatete kualkér arte-marsiál ne'ebé iha bele halo nia atividade tenke rejistu.

"La'ós tanba rezolusaun ne'e Governu revoga tiha depois ida-idak halo nia atividade tuir-nia hakarak, ne'e lae," dehan Faustino.

Entertantu, soru-mutu Komandante Jerál PNTL, Faustino da Costa ho Prezidente Repúblika, Francisco Guterres Lú Olo, hodi atualiza situasaun rai-laran. Jeralmente situasaun la'o hakmatek mezmu iha akontesemtu balun maibé la afeta ssguransa nasionál. (*) 
Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com