Print this page

Fulan-Fevereiru, Mate iha Asidente Tráfegu Sa'e Featured

Tempotimor (Dili) - Komandu Polisia Nasionál Timor-Leste informa, iha fulan-Fevereiru mosu asidente tráfegu hamutuk 345.

"Ida ne'e kompara ho fulan-Janeiru númeru boot liu, númeru iha Fevereiru tuun. So ke nia efeitu rezultadu numeru ema ne'ebé mate iha Fevereiru aumenta ema na'in rua kompara ho fulan-Janeiru," dehan Komandante Jerál PNTL, Komisáriu Faustino da Costa, iha Palásiu Prezidensiál, Bairru-Pité, Kinta (5/3).

Nia hatutan, mezmu PNTL halo sosializasaun liuhusi média, maibé akontese nafatin asidente tráfegu tanba fatór umanu mak hamosu kontribui makaas, hanesan konsiderasaun ema atu uza kapasete bainhira halo viajen, kondisaun viatura ne'ebé la di'ak maibé nafatin utiza inklui ignoransia seguransa pesoál.

"Sira mai ho hanoin ida katak ami la uza kapasete mós ami mak sofre la'ós polisia mak simu konsikuénsia," dehan Faustino.

Alende informa asidente tráfegu, Komandu PNTL mós informa situasaun jerál ne'ebé normal hela mezmu iha situasaun polítika ne'ebé manas. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items