Hahú Ohin, Polisia Bandu Tula Malu ho Motor

Komandante Jeral PNTL, Faustino da Costa Komandante Jeral PNTL, Faustino da Costa Foto suplai

Tempotimor (Dili)-Hahú ohin, Segunda (30/03), Polisia Nasionál Timor-Leste (PNTL) hahú implementa regras atu halo movimentasaun ho transporte. So ema ida de'it mak bele sai ho motor.

Komandante Jeral PNTL Komisariu Faustino da Costa hatete, PNTL hahú ona implementa regras estadu emerjensia nian.

Ba movimentu transporte, nia hatete, hahú husi Segunda (30/03) ba oin, tenke hetan autorizasaun husi polisia mak bele movimenta husi

Kona-ba movimentu transporte públiku, nia dehan, hahú Segunda (30/03), tenke hetan autorizasaun mak foin bele halai.

"Kona-ba transporte sira nian, ita aviza ona ba komandu Munisípiu sira katak komesa aban ba oin ne'e transporte ne'ebé hetan autorizasaun mak bele tama mai Dili no ba munisípiu, mais ida ne'ebé la hetan autorizasaun labele movimentu," dehan nia.

Tuir dekretu governu kona-ba medidas estadu emerjensia, nia dehan, transporte ne'ebé prioridade hodi halo movimentu mak transporte ba tula sasan, produs bee-moos, no kompaña telekomunikasaun.

"Transporte ne'ebé prioridade hodi halo movimentasaun hanesan karreta ne'ebé hola sembako, produz bee-moos, hanesan kompanña operadór telekomunikasaun tolu, inklui motorista sira só ema ida de'it," dehan Faustino.

Maibe tuir observasaun tempotimor.com iha segunda feira dadersan ne'e mikrolet balun sei halai no tula pasajeiru nafatin.

Rate this item
(3 votes)
Last modified on Thursday, 02 April 2020 20:02
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.