Komandante Jeral PNTL Komisariu Faustino da Costa dehan, PNTL hetan ona kopia regras estadu emerjensia husi Ministru Defeza no Seguransa (MDS) no Ministru Interiór interinu Filomeno da Paixão de Jesus.
"Teknikamente PNTL kontinua la'o, hanesan kalan mós ita haruka la'o ona, haruka ema labele joga ona, labele joga karta tuur barak iha uma laran, polísia mós aviza par sira para ho grupu sira," dehan Komisariu Faustino iha Sentru Konvensaun Dili, Domingu (29/03/2020).
Nia dehan, nia parte distribui ona regra estadu emerjensia ba komando PNTL hotu-hotu.
"Lei ida ohin tau iha ne'ebá mós ami aviza hela ona, tanba horikalan kedas ami kontaktu señor Ministru Defeza no Seguransa no Ministru Interiór interinu i ami hetan ona kopia ida, entaun horikalan kedas ami haruka ba komandu sira iha munisípiu par la'o tuir ida ne'e," dehan nia.
