Tuir informasaun, iha Kuarta (01/04) loraik, ema ida ho kondisaun lanu uza karreta ho marka Grand Max ho xapa matrikula A 22-180 tenta soke karreta PM Taur iha area Eskola São Paulo VI , maibé nia asaun ne'e konsege hapara husi seguransa sira.

Komandante Jeral PNTL Komisariu Faustino da Costa hatete, daudauk ne'e PNTL Dili detein hela suspeitu no prosesau tuir lei ne'ebé vigora.

"Asidenti trafiku hasoru Suá Exelensia Primeiru Ministru durante nia viajen, ema ne'e iha prosesu nia laran," dehan Faustino iha palasiu Prezidensial Nicolau Lobato Bairo-pité Dili, Kinta (02/04).