Print this page

Kazu Tiru Maubara : Suspeitu Membru PNTL Tama Ona Sela, Vitima iha Ona ONGV

Vitima ne'ebe deskonfia tiru husi Suspeitu membru PNTL ida iha Maubara hetan tratamentu ona ba nia kanek iha Ospital, Kinta (30/4) Vitima ne'ebe deskonfia tiru husi Suspeitu membru PNTL ida iha Maubara hetan tratamentu ona ba nia kanek iha Ospital, Kinta (30/4) Foto Suplai

Tempotimor (Dili)-Deskonfia Eskoltu segundu Komandante Jerál Polisia Nasional timor Leste, uza armas estadu nian tiru sidadaun Timoroan ida ho inisiál Isac  iha Postu administrativu Maubara, Municipiu Likisa iha tarde loron Kinta feira (30/4).

Tuir administradór Munisípiu Likisa Domingos da Conceição dos Santos  ‘Mau Caro’ wainhira dada lia ho www.tempotimor.com alega oknum PNTL ida ne'ebé dadaun ne'e hala'o knaar hanesan eskoltu maka halo tiru teu ba jovens sira ne’ebe tuur besik liuron ninin.

"Iha Maubara parte igreja nia sorin, Maurae, labarik sira tuur hela iha estrada, kareta truk ida tula sasan nakonu, tesik ba lansung tiru labarik sira tuur iha estrada nee, ida konsege kanek todan, ne'ebé agora refere ona ba ospitál," dehan Administradór munisípiu Likisa Domingos ba tempotimor.com  via telefone, Kinta (30/04)

Nia afirma, bainhira rona ema ema hakanek joven ida iha Maubara, Prezidente Autoridade Municipiu Likisa husu kedas ba PNTL munisípiu Likisa hodi buka no kaptura suspeitu refere.

"Orienta ona Komandante PNTL Munisípiu Likisa no F-FDTL ne'ebé mak iha ne'e, aumezmu tempu husi Atabae nian mós mai no postu polisia Loes nian mós sa'e mai, ne'ebé prende tiha kareta truk rua no baskolante rua, hodi hein komandu investigasaun to'o ba para halo pasa revista ba sira," dehan Administradór 

 

VIDEO PUBLISIDADE APELU HUSI PM TAUR APLAUS BA FRONT LINE

 

<iframe width="560" height="315" src="https://www.youtube.com/embed/Ns6pQceNJ5g" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Entretantu informasaun neebe administradór simu, husi vitima sira katak, ema ne'ebé tiru joven ne'e iha kareta truk laran.

"Ema ne'e komandu PNTL husi munisípiu no komandu PNTL Atabae, pontu Loes kaer tiha ona. Nia Polísia ida, tuir Komandante PNTL Munisípiu Likisa hatete katak, eskoltu segundu Komandante Jerál da PNTL. daudaun ne'e iha ona dalan atu lori ba komandu Munispiu Likisa," dehan Administradór 

Entretantu vítima husi bala pistola PNTL nian ne'e, evakua ona ba Ospitál Nasionál Guidu Valadares (ONGV), tanba kanek todan.

Wainhira konfirma ho Segundu Komandante PNTL, adjuntu Komisariu PNTL, Mateus Fernandez rekuinese, suspeitu ne’e membru PNTL ida no seguransa pesoal ninian maibe parte komptente sei investiga hela motivu ne’ebe halo PNTL ne’e to’o uza pistola kontra vitima.

“Ita seida’uk hatene motivu lolo’os tiru ne’e saida. Maibe elementu ne’e ita tahan tiha ona iha sela no kilat mos ita foti sai tiha ona. Nune;e situasaun Likisa agora daudaun aman (hakmatek). Bu’at ne’e mosu karik tan ba odiu pesoal ou involvimentu iha arte marsiais ruma,” Adjunto Komisariu PNTL, Mateus Fernandez hatete ba tempotimor.com via telefone.

Adjuntu Komisariu PNTL, Mateus Fernandez konfirma, alegasaun ne'be hato'o husi Adminitrador Municipiu Likisa ne’ebe dehan membru PNTL ne’ebe deskonfia tiru joven ida iha Maubara ne'e seguransa Pesoal Segundu komandante PNTL. (*)

“Sim,Los,  nia ha’u nia seguransa duni. Nia sai ba Maubara mos la hatete ba ha’u. Ohin Akontesimentu liu tiha maka nia telefone ha’u ne’ebe ha’u husu nia intrega a’an, entrega arma no agora iha on a sela,” esplika adjuntu Komisariu Mateus.

 

 

 

Rate this item
(0 votes)
Last modified on Thursday, 30 April 2020 23:52
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items