"Brigada Negra ho Reis Kadalak sira nia deklarasaun ne'e arbiru. Primeiru sira nia deklarasaun ne'e krime nian. Sira hein, Polisia dala ruma sei ba kaer sira," dehan Maijór Jenerál Lere Anan Timor iha Palásiu Prezidensiál bairu-pite Dili, Kuarta (27/05)
Lidér F-FDTL ne'e afirma, deklarasaun sira nian ne'ebé dehan fakar ran ne'e krime.
"Kuandu dehan prontu para ran fakar ne'e fakar ba saida nian? Ida ne'e krime. Deklarasaun ne'ebe krime nian. Ran Fakar ba saida? Fakar ba soberania? Mas tanba de'it katuas Xanana, Katuas Taur, Katuas Lú-Olo sira iha diverjensia oituan ne'e maka ran atu fakar ba ida ne'e?," subliña Lere
Nia akresenta, grupu rua ne'ebé deklara fakar ran, ne'e bosok ten.
"Labele halo deklarasaun ida kee dehan ami prontu fakar ran. Ne'e bosok ten. Sira be dehan fakar ran ne'e bosok ten," nia hateten.
Ho lian maka'as jeneral Fitun rua ne'e dehan, ninia vida tomak konsege fakar ona ran hodi luta ba independensia no defende soberania.
"Ami ne'e prontu atu fakar ran ba soberania nasionál. Forsa Armadas ne'e prontu fakar ran ba defende soberania nasionál. Mais o dehan fakar ran tan ba de'it Xanana ho Taur, Ne'ene uma deklarasaun krime. Krime ne'e maka Reis Kadalak hein para polisia ba kaer nia. Ne'e krime polisia tenke ba kaer nia," Lere dehan.
Nia afirma, "ida ne'e krime, ran fakar ba saida nian?, Tanba de'it Xanana ho Ruak maka atu fakar ran, entaun ne'e deklarasaun krime nian no Reis Kadalak hein para polisia ba kaer nia," dehal Lere.
VIDEO PUBLISIDADE APELU HUSI PM TAUR APLAUS BA FRONT LINE