Sidadaun 27 Ilegalmente Tama TL iha Inísiu EE Datoluk

Porta voz SIJK, Odete da Silva Viegas ko'alia ho komadante PNTL municipiu Bobonaro ho komandante F-FDTL iha momentu vizita ba rai ketan Porta voz SIJK, Odete da Silva Viegas ko'alia ho komadante PNTL municipiu Bobonaro ho komandante F-FDTL iha momentu vizita ba rai ketan Foto Pajina FB Ministeiru Saude

Tempotimor (Dili)- Maski Estadu Emerejénsia (EE) ba datoluk, ne’ebé Prezidente Repúblika renova, suspende direitu Sirkulasaun internasionál, maibé realidade hatudu katak, iha semana dahuluk, Unidade Polísia Fronteira (UPF) hamutuk ho Sentru Integradu ba Jestaun Krize (SIJK) konsege kaptura sidadaun na'in 27, ne'ebé ilegalmente tama iha teritóriu nasionál husi nasaun viziñu Indonézia liu-hosi fronteira terrestre.

Portavoz SIJK, doutora Odete Viegas hateten, husi loron 28 fulan Maiu to'o loron 08 fulan Juñu, sidadaun timoroan no sidadaun estranjéiru na'in 27 mak tama iha Timor Leste.

"Ema tama ilegál hahú husi loron 28 Maiu to'o ohin 08 Juñu hamutuk na'in 27. Husi na'in 27 ne'e ita deporta fali na'in 6, tanba la'ós timoroan. Enkuantu, timoroan sira tama ona iha karantina," Odete hateten liu-hosi konferénsia imprensa iha sala situasaun, Segunda (08/06).

Sidadaun sira ne'ebé tama ilegál mai teritóriu nasionál ne'e maioria estudante timoroan ne’ebé hala’o hela estudu iha Indonézia, no mós negosiante mina-rai.

“Husi na’in 27 ne’e, iha na'in 12 mak tama husi Batugade-Maliana, ne’ebé na'in 10 tama ona karantina, na'in rua seluk deporta hikas tanba sidadaun Indonézia. Na’in 6 tama husi Salele-Kovalima, nune’e na'in 3 tama ona karantina, na'in tolu deporta hikas tanba la'ós timoroan. Na'in 9 tama husi fronteira Terrestre RAEOA parte Oesilo, Pásabe no Oelulan, nune’e na'in 8 tama ona karantina, no na'in ida deporta hikas ba Indonézia”, nia esplika.

Entretantu, Estadu Emerejénsia ba datoluk, ne’ebé Prezidente Repúblika renova, suspende direitu tolu, mak hanesan, Sirkulasaun internasionál, Liberdade sirkulasaun no hili hela-fatin iha territóriu nasionál, inklui direitu ba rezisténsia.
Dekretu Prezidensiál ne’e, ofisialmente publika ona iha jornál repúblika ho númeru 35/2020, ne’ebé funsiona iha oras 00: 00 loron 28 fulan maiu to’o oras 23:59 loron 26 fulan juñu 2020.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« February 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Tempo Timor Networks