Membru PNTL Mete Partidu no Halo Juramentu Tenke Hasai

Xefe Bankada CNRT, Duarte Nunes iha plenaria Parlamentu Nasional Xefe Bankada CNRT, Duarte Nunes iha plenaria Parlamentu Nasional Foto suplai

Tempotimor (Dili)- Xefe Bankada Partidu Congresso Nacional Reconstrução Timor-Leste (CNRT), Duarte Nunes, husu atu Komandu Polisia Nasionál asionál Timor-Leste (PNTL) foti asaun ezonera membru ne'ebé mete atividade partidu polítiku.


Deputadu CNRT ne'e afirma, membru polisia iha diretu bainhira iha eleisaun hodi ezerse ninia diretu kona-ba fó sira nia votu, maibé liu ida ne'e sira tenke fila-fali sira-nia fatin hanesan membru polisia labele envolve fali atividade polítika partidu nian.

"Nia hanesan polisia ne’e labele tama ba partidu, tanba Kontituisaun RDTL la fó dalan ba  membru polisia ida ka membru forsa ida labele tama ba partidu, se nia polisia mak nia hili tama ba kor partidu ne’e sala ona no tenke hasai,” dehan Duarte, ba jornalista sira, iha PN, Tersa (7/7).

Nia dehan, iha Kontituisaun Repúblika Demokrátika Timor-Leste, artigu 147 "Polisia no forsa seguransa sira. 1) Polísia sei defende legalidade demokrátiku no garante sidadaun sira-nia seguransa internu, maibé sira labele iha partidu polítiku. 2) Prevensaun kriminál tenke hala’o ho respeitu ba direitus umanu. 3) Lei maka sei harii rejime ba polisia no mós forsa seguransa seluk.

Nia hatutan, kuandu situasaun ne’e akontese duni ba iha membru polisia ruma, presiza halo investigasaun, karik loos tenke ezonera.

“Ha’u konkorda ho Komandu Jerál katak sei halo investigasaun ba membru polisia ne’ebé envolve-aan iha partidu polítiku,” dehan Duarte.

Molok ne'e,  Komandante Jerál PNTL, Komisáriu Faustino da Costa hateten, sei halo investigasaun ba membru polisia ne’ebé inklina-aan iha paritdu, sei halo investigasaun ba membru polisia sira ne’ebé inklina-aan iha partidu. (*)

Rate this item
(0 votes)
Last modified on Tuesday, 07 July 2020 15:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.