Treinu Hasa’e Sintu, Polisia Kaptura Membru KORK 66 iha Manufahi

Portavoz Komando Jeral PNTL Superintendente Arnaldo Araujo Portavoz Komando Jeral PNTL Superintendente Arnaldo Araujo Foto Arkivu

TempoTimor (Díli)-Polisia Nasionál Timor-Leste (PNTL) munisipiu Manufahi iha Kuarta (15/07) kaptura membru grupu arte marsiais Klibur Oan Rai Klaran (KORK) na’in 66 bainhira halo treinamentu atu hasa’e sintu.

Portavoz Komando Jeral PNTL Superintendente Arnaldo Araujo informa, PNTL kaptura membru KORK hirak ne’e tanba sira hala’o atividade treinamentu hodi hasa’e sabuk.

"Loos duni iha dia 15 de Jullu, PNTL munsipiu Manufahi halo kapturasaun ba ema hamutuk na’in 66, ne’ebé mak envolve hela treinamentu atu sa’e sabuk," dehan Arnaldo ba jornalísta sira iha Kuartel Jerál PNTL, Kaikoli, Kinta (16/07).

Membru KORK na’in 66 ne’ebé PNTL kaptura kompostu husi mane na’in 64 no feto na’in 2, no entre sira na’in 17 mak kategoria idade kiik.

"Agora dadaun, ema nain 66 ne'e submete hela ba prosesu investigasaun iha PNTL Manufahi," nia informa.

Kona-ba atuasuan PNTL ne’e tuir lei ka lae, portavoz ne’e dehan, hafoin simu informasaun PNTL Manufahi halo kedas kapturasaun, tanba karik iha buat balun ne’ebé la tuir regras.

Iha kapturasaun ne’e, nia hatete, PNTL Manufahi konsege halo aprensaun ba sasan sira hanesan sintu (sabuk) no farda organizasaun nian.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.