Diretór Ezekutivu Fundasaun Mahein (FM), João Almeida hateten, Komandu Jerál tenke loke investigasaun ba pesoál polisia sira ne’e.
“Karik ofisiál superiór, sarjentu ka ajente ruma envolve iha juramentu tenke loke investigasaun, tanba estatutu no lei orgánika PNTL nian katak instituisaun PNTL ne’e apartidáriu,” dehan nia, ba tempotimor.com, iha nia knaar fatin, Fomentu II, Sesta (17/07).
Nia mós dehan, tanba kazu sira hanesan ne’e, presiza toma desizaun, tanba orgánika PNTL servisu de’it ba Estadu.
“Instituisaun ne’e servisu loos de’it ba Estadu RDTL, enkuantu kazu sira hanesan ne’e tenke toma médida sira tuir regulamentu dixiplinár PNTL nian para haree ba nia grau no kategoria ne’ebé nia partisipa,” dehan nia.
Nia dehan, tanba regra ne’ebé iha tenke hola médida tuir regra dixiplinár PNTL nian.
Antes ne'e, deputadu sira levanta liuhusi plenária katak ih membru PNTL balun halo juramentu ba Partidu KHUNTO. (*)