Login to your account

Username *
Password *
Remember Me

SEP: Tinan 15, TL Lakon Ikan Tonelada 147.975

Sekretariu Estadu Ambiente, Diometrio de Carvalho Amaral ho SEP  Elidio  de Araujo partisipa iha atividade fahe hanoin ba malu iha salaun Tower Fatuhada, Dili, Tersa (21/07) Sekretariu Estadu Ambiente, Diometrio de Carvalho Amaral ho SEP Elidio de Araujo partisipa iha atividade fahe hanoin ba malu iha salaun Tower Fatuhada, Dili, Tersa (21/07) Foto Tempo Timor

Tempotimor (Dili)-Tuir dadus husi Sekretariu Estadu Peskas (SEP), hahú husi tinan 2005 to’o 2020, Timor-Leste lakon ikan hamutuk tonelada 147.975 tanba atividade peska illegal.

Tuir dadus ne’ebé SEP iha, iha tinan 1999, stock ikan iha tasi Timor-Leste nian iha 638.855. Númeru ne’e sa’e to’o tonelada 718.900 iha tinan 2011.

Maske TL iha rekursu, maibé, SEP Elidio de Araujo hatete, hahú husi tinan 2015 mak foin iha explorasaun ho legalmente.

"Iha tinan 1999, Timor-Leste iha stock ikan hamutuk tonelada 638.855, maibé liu tiha tinan balun, to'o iha tinan 2011, ita-nia ikan nia stock aumenta sa'e ba tonelada 718.900. Maibé husi númeru ne'ebé iha, hahú husi 2015 to'o 2020, ikan sira ne'ebé legalmente explora ona foin mak pursentu 2, pur-volta tonelada 15.307," dehan Elidio ba jornalista sira salaun Tower Fatuhada, Dili, Tersa (21/07).

Nia dehan, tanba foin explora de'it pursentu 2 mak fó mós konsekuénsia ba kontribuisaun reseita husi peskas nian ba kofre estadu.

"Husin 2005 to'o 2020 halo kobrasa ba tarifas ikan hetan de'it rihun $955.107," dehan SEP.

Elidio dehan, durante tinan 15 nia laran, peska illegal mak aproveita barak liu ikan iha tasi Timor.

"Ema estranjéiru ne'ebé na'ok ona ikan Timor-Leste nian hamutuk tonelada 147.975, signifika peska ilegál sira na'ok ikan iha tasi Timor-Leste aas tebes, kuanze pursentu 20.58."

Konsekuénsia husi peska ilegál ne'e, iha tinan rua nia laran de’it, 2013 to’o 2014, ekonomikamente estadu TL lakon osan hamutuk tokon $214.

“Signifika Timor-Leste lakon ikan tonelada 30.600 kada tinan,” dehan nia.

Rate this item
(0 votes)
Last modified on Tuesday, 21 July 2020 16:11
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter