Tuir Vice Ministru Interior António Armindo katak, PM no Ministru Interiór (MI) no Vise Ministru Interiór (Vise-MI), deside kaer metin atuál Diretór Jerál Servisu Migrasaun, Agostinho da Silva Gomes, hodi lidera SM tanba nia mak iha esperensia atu asegura servisu Migrasaun nian. nune'e, tenke estende prosesu deslokasaun ba Munisípiu Ermera.

"Ita-nia diretór Imigrasaun foin dadauk ne'e hetan deslokasaun husi Komandu Jeral haruka nia ba sai komadante iha Ermera maibé, tanba de'it ha'u ho ministru ami rua ema foun, iha loron ne'ebé mak hanesan diretor jerál tuan muda sai tiha tau fali diretór jerál foun entaun ami na'in tolu foun hotu ne'e ladun di'ak, ne'e servisu bele paradu hotu, Tanba ne'e mak ha'u ho Ministru desidi extende nia par bele ajuda ami rua halo servisu imigrasaun ne'e labele falla," dehan vise MI António Armindo ba jornalista sira iha edifísiu Ministériu Interiór Kaikoli, Sesta (21/08)

António dehan, atu troka komandante Agostinho iha SM, bainhira iha ona tinan 2021.

"Depois de 30 dezembru 2020 mak ita bele nomeia fali foun par troka nia, importante mak ha'u ho ministru hatene lai servisu hirak ne'e hotu, depois ita tenke apoiu mós ninia Komandu Jeral ne'ebé hasai ona desizaun, depois mak nomeia fali foun," nia informa.

Antes ne'e, Komjer PNTL foti ona desizaun atu halo transferénsia DJ Servisu Migrasaun Suprientendente Xefe, Agostinho da Silva Gomes ne'ebé ho (ID: 10722) ba asumi fali kargu hanesan komadante iha Munisípiu Ermera, bazeia ba dekretu Lei organika PNTL númeru 9/2009 loron 18 Janeiru, ne'ebé esplika klaru iha artigu 10 númeru 3 alinea E.

PUBLISIDADE HUSI MOP FO PARABENS BA LORON FALINTIL