Lere Maka Oriente Militár 'Vizita' Ângela

Jenerál Lere Anan Timur iha tempu ne'ebé TL sei iha okupasaun Indonézia nia laran. Jenerál Lere Anan Timur iha tempu ne'ebé TL sei iha okupasaun Indonézia nia laran. Foto Supply

Tempotimor (Dili)-Maski mosu interpretasaun oioin husi povu kona-ba 'vizita' militár iha rezidénsia Ângela Freitas nian, maibé Jenerál Lere Anan Timur rekoñese orienta asaun ne'e halo tanba deklarasaun Ângela iha risku ba seguransa.

Tuir Xefe Estadu Maiór Jerál F-FDTL Majór Jenerál Lere Anan Timur, tanba konsidera fatin Ângela Freitas nian ne'e risku, entaun militár tenke hola pozisaun.

"Kazu konkreta iha dia (1/9) ne'e Ângela deklara instituisaun rua hanesan F-FDTL no PNTL dala-ruma sei han malu, no Ângela mós dehan, demostrasaun ne'ebé sira halo atu hatún Prezidente Repúblika (PR) ne'e F-FDTL no PNTL iha hotu laran. Entaun ha'u konsidera ne'e zona risku, di'ak liu prevene duké basa rentos," dehan Lere, iha Kuartel Jerál Fatuhada, Sesta (4/9).

Lere afirma, iha 2006 mak iha surpeza, maibé agora la'ós surpreza ona.

"Objetivu patrollamentu atividade ne'e rotina nu'udar militár nian," katak Lere.

Parajem iha Ângela nia uma ne'e tanba atu halo ezersísiu iha kampu demokrásia no iha parte seluk mak área risku nian, maibé militár la baku ema ida, la serku no la ameasa ema ida. Sira hamriik de'it iha ne'ebá.

Entretantu, polítiku na'in ne'ebé kondena Jenerál Lere katak komete krime instigasaun, maibé Lere dehan seidauk ameasa ema ida.

"Se iha lei hodi proteje ema kriminozu sira, tanba saida mak ita labele proteje orgaun soberanu sira? Tanba Ângela nia intensaun hakarak hatun Prezidente Repúblika, Franscisco Guterres Lú Olo, ne'ebé veteranu tinan 24," nia tenik. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks