Vise MI António Armindo dehan, la'ós aumenta volume militar de'it, maibé MI mós haruka ona karta ba Ministra Negósiu Estranjéiru no Kooperasaun (MNEK) Adaljiza Magno hodi koordena ho embaixadór Indonézia iha Timor-Leste.

"Agora dadaun ita haruka ona Batallaun O rtdem Públiku (BOP) no Kompaña Operasaun Espesiál (KOP) ba iha fronteira, entaun ita espera katak ho sira-nia kuantidade ne'ebé ita aumenta ne'e bele ajuda hodi hamenis risku," dehan vise MI António Armindo iha Ótel JL-Vila Fatuhada, Tersa (22/9).

Nia afirma, la'ós haruka de'it forsa ba fronteira, maibé MI mós haruka ona karta ba MNEK hodi koordena.

"Para MNEK koordena ho Embaixadór Indonézia nian iha ne'e. Entaun ohin ita orienta ona haruka karta ba nia para mai ita-nia gabinete hodi ko'alia kona-ba asuntu seguransa nian," dehan Armindo.