PR Lú Olo Husu F-FDTL Servisu Nu'udar Lutu Nasaun

By Tempo Timor September 23, 2020 1203

font size decrease font size increase font size
Print
Email

Prezidente da Republika, Dr. Francisco Guterres Lu Olo simu enkontru ho Major Jeneral F-FDTL iha palasiu Prezidensial, Bairro Pite Dili Foto Tempo Timor

Tempotimor (Dili) - Iha enkontru semanál entre Xefe Estadu Maiór Jenerál F-FDTL, Majór Jenerál Lere Anan Timur ho Prezidente Repúblika (PR), Francisco Guterres Lú Olo, nu'udar komandante supremu forsa armada nian husu forsa sira servisu hanesan lutu ba nasaun.

"Objetivu prinsipál husi enkontru ne'e mak situasaun rai-laran no servisu forsa armada nian," dehan Jenerál Lere, iha Palásiu Prezidensiál, Bairru-Pité, Kuarta (23/9).

Nia afirma, hafoin hato'o situasaun no atividade forsa armada nian, Xefe Estadu husu FALINTIL-Forsa Defeza Timor-Leste (F-FDTL) atu servisu ho di'ak.

"Nu'udar komandante supremu forsa armada nian, husu ba forsa armada kumpre nafatin ninia misaun no devér nu'udar lutu ba nasaun," nia dehan.

Lere mós husu ba joven sira atu nafatin fó fiar ba lider sira hodi lori nasaun TL ba oin.

Iha enkontru, semanál ne'e www.tempotimor.com observa katak, jenerál Lere no PR Lú Olo enkontru hahú tuku 10:25 to'o tuku 13:30, maibé ko'alia de'it kona-ba seguransa no atividade forsa armada nian.

Maibé www.tempotimor.com mós nota katak, bainhira Jenerál Lere ko'alia ho jornalista sira ladún iha vontade hanesan tempu balun ne'ebé liu ona. (*)

Rate this item

(0 votes)

« Kombate Tama-Sai Ilegál, TL Aumenta Númeru Militar iha Fronteira Asidente tráfegu janeiru-setembru, ema 48 lakon vida »

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com