Tanba ne'e, Segundu Komandante Polísia Nasionál Timor-leste (PNTL) Munisípiu Dili Superintendente Euclides Belo husu ba komunidade sira atu priense dokumentus, bainhira utiliza transporte.
Kuandu laiha karta kondusaun no dokumentus mak, parte tránzitu seguransa rodaviariu sei halo aprensaun tuir Lei ne'ebé haruka.
"Tipu krime sira ne'ebé sempre akontese, ida ne'e mak pontu esensial ami halo diskusaun par foti solusaun, inklui mos informasaun ne'ebé komandu orienta par depois seksaun tránzitu halo operasaun hodi eduka diak liu tan, komunidade sira, liu-liu utiliza transporte públiku, hodi motor ho kareta iha dalan públiku, tenke la'o ho legal",dehan Euclides Belo iha ninia knar fatin, Komandu PNTL Munisípiu Dili, Segunda (12/10).
Legal katak, lori kareta ho motor, tenke iha karta kondusaun, kualdu laiha konsidera krime.
"Depois tenke kompleta dokumentus, tanba ne'e mak ita boot sira haree iha kampo laran motor lubuk ida polísia halo aprensaun, tanba la kompleta dokumentus viatura nian", komadante ne'e afirma
Lei tránzitu seguransa rodaviariu fo kompetensia ba Polísia Nasionál Timor-leste (PNTL), kuandu laiha dokumentus ne'ebé atu komprova motor legal ou lae.
"Kuandu laiha ami halo apresaun, tanba Lei hatete, i ami fo bileti informasaun ba sira, ida ne'e mak dadauk infrator sira selu multa ona hodi tuir tabela ne'ebé konfrator sira komete," dehan nia.
