Objetivu halo rekrutamentu ba militár obrigatóriu ne’e, atu de’it lori joven sira bele simu formasaun liu-liu aprende kona-ba valór sidadania nian husi Ministériu Defeza, bainhira fulan 18 remata, sira tenke sai.
“Maibé, buat ne’e fulan 18 de’it, atu nune’e simu valóres, formasaun sidadania, hotu tenke sai, la'ós dehan ba hela iha ne’ebá. Só hela ida de’it ne’ebé forsa presiza”, Ministru Defeza, Filomeno da Paixão de Jesus hateten ba jornalísta sira iha kuartel jenerál Fatuhada, Segunda (09/11).
Maske nune'e, nia dehan, MD sei kria infra-estrutura ho rekursu umanu, tenke iha ema husi parte militár, kuandu laiha, bele husu mós instituisaun inter-seitorial sira seluk atu bele ba fó ajuda halo rekrutamentu ba juven sira.
“Sim, ita presiza aumenta infra-estrutura ho parte lojístika, ne’e mak ha’u dehan la kabe ba ha’u mak atu deside. Ha'u bele propoin, maibé sé mak atu deside mak iha komite rejiaun mak deside", nia informa.