Internet Ilegál husi Telemor Rezulta Dívidas MI Besik rihun $200

Vise Ministru Interior, António Armindo koalia ho jornalista sira iha Palásiu guvernu Dili, Kuarta (25/11). Vise Ministru Interior, António Armindo koalia ho jornalista sira iha Palásiu guvernu Dili, Kuarta (25/11). Foto Tempo Timor

Tempotimor (Dili) - Vise Ministru Interiór António Armindo hateten, dívidas Ministeiru Interior (MI) nian liu husi Polisia Nasionál Timor-Leste (PNTL) besik rihun $200.

António akresenta dívidas ne'e iha bainhira parte PNTL halo akordu MoU ho konpañia ne’ebé halo fornesimentu internet hahú husi 2012 to’o 2018 seim kontratu.

Nune'e, António rasik orienta ona asesor legal husi gabinete Primeiru Ministru (PM) atu hare dokumentu sira nia legalidade antes prosesa ba tribunal atu deside hodi MI selu dividas sira ba telemor.

"Orsamentu besik rihun $200 ba telemor ne'ebé mak ita sei hare," António dehan ba jornalista iha Palásiu Guvernu, Kuarta (25/11).

Governante ne'e esplika, husi 2018 mai leten to’o agora iha kontratu, maibe husi tinan 2017 ba kotuk laiha kontratu, iha deit mak MoU asina entre PNTL ho Telemor.

"Ohin ita haruka ona asesor legal PM nian ba hare atu identifika karik ita bele selu ou labele selu, mais depois ita hare took rezultadu ida ohin asesor legal sira ita haruka ba tiha ona PNTL," António informa.

António hatutan, MI hein investigasaun husi ministeiru publiku depois ba tribunal mak bele deside legalidade husi kazu refere, maibé tuir informasaun ne'ebé fó sai iha operadór ida-rua deit mak ilegal, ezemplu hanesan eletrivitel, PT Uai-fiku mak ilegal, enkuantu telemor nu'udár operadór baibain hanesan sira seluk.

Entertantu kazu Internet ilegal rasik nakloke ba publiku bainhira PNTL-SIK halo buska ba operador Telemor ne'ebé lokaliza iha Timor plaza no kompañia elite komputer ne'ebé lokaliza iha Kolmera hafoin durante ne'e fornese internet ba ministeiru sira inklui PNTL rasik.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks