Login to your account

Username *
Password *
Remember Me

Ema na'in 13 Mate iha Fulan Outubru tanba Asidente

Komandante Jerál Polísia Nasionál Timor-Leste (PNTL) Komisáriu Faustino da Costa ko'alia ba Jornalista Komandante Jerál Polísia Nasionál Timor-Leste (PNTL) Komisáriu Faustino da Costa ko'alia ba Jornalista Foto File

Tempotimor (Dili)- Komandante Jerál Polísia Nasionál Timor-Leste (PNTL) Komisáriu Faustino da Costa informa katak, durante fulan Outubru asidente hamutuk 160 no ema na'in 13 mak lakon vida.

Faustino esplika, la'ós asidente de'it mak akontese ho númeru boot, maibé iha mós kazu insidente ne'ebé númeru kontinua aas.

"Asidente iha fulan Outubru ne'e mak hamutuk 160. Asidente ne'e hahú husi dia 1 to'o 31 Outubru, ne'ebé rezulta timoroan na'in 13 mak lakon vida. Buat ne'ebé PNTL kontinua halo mak chek point no parajem Estrada.

Entaun, ba fulan Outubru de'it ita aplika multa ne'e hamutuk 1.600, ho totál infrasaun ba koimas ne'e hamutuk $39.404, ne'ebé hatama ba kaixa jerál estadu," Komjer hateten ba jornalista iha Palásiu Prezidensiál Bairru-pite, Kinta (26/11).

Komandante ne'e mós dehan, alende husi asidente ne'e iha mós insidente ne'ebé hamutuk 418.

"Asidente mai to'o Outubru nian hamutuk 418, ne'ebé kompostu husi kazu asaltu malu, violénsia doméstika, subsídiu, insidentes ema monu rasik, ne'ebé insidente ikus liu mak iha Uatudere munisípiu Vikeke nian nomós iha Lospalos," Faustino informa.

Biar nune'e, Polísia Nasionál Timor-Leste (PNTL) kontinua halo servisu inklui issue ninja ne'ebé mosu iha munisípiu Ainaro, PNTL kontinua halo investigasaun no iha ema balun ne'ebé PNTL halo ona identifikasaun.

Maski ho situasaun sira ne’e, maibé situasaun jerál iha Timor laran tomak la'o hakmatek.(*)

 

PUBLISIDADE

Rate this item
(0 votes)
Last modified on Friday, 27 November 2020 07:38
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter