Login to your account

Username *
Password *
Remember Me

PNTL Kaptura Sidadaun Na'in-Tolu Deskonfia Na'ok Motór

Motorizada sira ne'ebé ohin PNTL munisípiu Dili rekolla. Kinta (10/12). Motorizada sira ne'ebé ohin PNTL munisípiu Dili rekolla. Kinta (10/12). Foto Tempo Timor

Tempotimor (Dili)- Komandu Polisia Nasionál Timor-Leste (PNTL) orienta komandu munisipiu Dili hodi halo identifikasaun ba ema ne’ebé diskonfia na’ok motor, no konsege kaptura hodi detein sidadun na’in tolu.

Iha operasaun ne’e polisia mós identifika, hodi asegura motórizada haat ne’ebé diskonfia sidadaun na’in tolu ne’e na’ok.

Polisia halo identifikasaun ne’e baize ba keixa ne'ebé komunidade aprezenta, liu-liu ba komandu munisípiu Dili, kona-ba motór lakon.

"Ohin dader madrugada putvolta tuku 3:00, komandante ho membru sira halo operasaun iha postu administrativu Dom Aleixo nian liu-liu área Kasnafar nian parte air-terjun nian, ne'ebé konsege kaptura sidadaun na'in tolu ho asegura mós motórizada haat," Segundu komandante PNTL Munisípiu Dili Superintendente Euclides Belo hateten lia hirak ne’e iha nia knaar fatin Kaikoli, Kinta (10/12).

Euclides hateten, durante ne'e PNTL simu keixa husi lezada ka vítima ba sira-nia motór ne'ebé lakon, tanba ne'e komandu munisípiu Dili rejista no halo operasaun hodi buka, detekta no deskobre, mais la'ós fasíl para PNTL halo ida ne'e, maibé tanba iha komunikasaun ativa ho autoriedade lokál no komunidade ne'ebé servisu hamutuk ho PNTL, entaun konsege halo kapturasaun ba ema na'in tolu.

"Motirida haat ne'e ita aguarda ona iha KMD no suspeitu sira ne'e iha ona prosesu identifikasaun nune'e sira nia estatutu sei suspeita, maibé parte investigasaun hotu ona, bele konstitui sira-nia estatutu ba detidu, para bele responsabliza ba aktu ne'ebé sira halo, kuandu halo interogatóriu no fóti infórmasaun ligadu ba tipu krime ne'ebé ha'u temi," nia tenik.

Entretantu, suspeitu sira ne'e inisiál sei segredu, tanba sei iha prosesu identifikasaun.

Nia mós dehan, dadaun ne'e membru sira kontinua halo operasaun para kontinua halo identifikasaun, tanba na'ok motór ne'e tipu krime bele frutu agravadu, tanba motór ida nia fólin liu dollar rihun ida.

Alende ne'e komandu munisípiu Dili mós alerta ba públiku katak, ba maluk sira ne'ebé sente sai vítima ba nia motoeizada lakon, bele lori dokumentus ba aprezenta iha komandu, nune'e bele prosesu.

"Iha dokumentu ruma bele mai hato'o, para bele justifika katak motór ne'e ita boot nian, maibé labele mai bosok, kuandu bosok, ne'e mós tipu krime ida, tanba ne'e mak ami espera katak sira ne'ebé sai lezada ka vítima ba sira-nia sasan (motór) lakon ne'e bele mai reklama, para prosesu hotu bele la'o tuir prosedimentu ne'ebé iha," nia apela.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter