Login to your account

Username *
Password *
Remember Me

Polísia Militár-KMD La Tolera ‘Joven Malandru' Durante Natál-Tinan Foun

Segundu Komandante PNTL munisípiu Dili, Superintendente Xefi, Euclides Belo (karuk), konversa hela ho Komandante Unidade Polísia Milítar (PM), Maijór Tenente, Abel da Costa Xavier "Niky" hodi trasa planu konjunta ba garante seguransa iha loron-boot natál ho tinan-foun iha, Kaikoli, kinta (17/12). Segundu Komandante PNTL munisípiu Dili, Superintendente Xefi, Euclides Belo (karuk), konversa hela ho Komandante Unidade Polísia Milítar (PM), Maijór Tenente, Abel da Costa Xavier "Niky" hodi trasa planu konjunta ba garante seguransa iha loron-boot natál ho tinan-foun iha, Kaikoli, kinta (17/12). Foto tempo Timor

Tempotimor (Dili)- Instituisaun Falintil Forsa Defeza Timor-Leste (F-FDTL) liuhusi unidade Polísia Milítar (PM) sei servisu hamutuk ho Polísia Nasional Timor-Leste (PNTL) liuhusi Komando Munisípiu Dili (KMD) hodi garante seguransa iha atividade operasaun konjunta ba 'joven malandru' sira ne'ebé hatudu atitude kriminozu iha loron-boot natál ho tinan foun.

Komandante Polísia Milítar (PM), Maijór Tenente, Abel da Costa Xavier "Niky" hateten, loron boot natal ho tinan-foun, importante tebes atu Polísia Milítar (PM) hamutuk ho Komando Munisípiu Dili (KMD) atu fó seguransa iha área interna nian.

Nia dehan, maske área interna halo parte ba PNTL nia servisu, maibe tanba ho despaixu Komandante Jeral PNTL ho Xefi Estadu Maior Jeneral F-FDTL nian, maka parte rua buka malu hodi koordena diak liu tan hodi asegura seguransa iha loron-boot natál ho ano novo nian.

Majór Niky dehan, PM ho KMD sei la tolera joven sira ne'ebé dala-barak sempre hatudu atitude la di'ak iha loron-boot natál ho tinan foun hanesan hemu tua, halo movimentu ba mai ho motor, no uza arma branka.

"Ida ne'e labele fó toleransia tanba loron-boot atu ba halibur ho familia, moris ho familia loron-boot, la'os ó ba lori fali armas branka, armas branka lei iha para PNTL atu atua imi. Sé maka kaer armas iha loron-boot, nia ba deskansa iha komarka ne'ebá", Komandante Polísia Milítar (PM), Maijór Tenente, Abel da Costa Xavier "Niky" hateten lia hirak ne’e hafoin somutuk ho estrutura Komandu PNTL munisípiu Dili hodi halo koordenasaun servisu iha natal ho tinan-foun iha Kaikoli, Kinta (17/12).

Nia dehan, bainhira joven sira ne'ebé hakarak halo problena iha loron- boot, Otel gratis ne'e iha hela munisípiu, tanba ne'e kuandu halo sala ba deskansa iha Otel.

"Ema moris ho loron-boot, imi mai deskansa iha loron-boot, ida ne'e ita nia moria halo nusá", Maijór "Niky" dehan.

Nia hatutan, daudaun ne'e PM iha nia membru efetivu hamutuk 157, nune'e membru sira sei kolaka tun hotu ba terrenu hodi fahe ba ekipa rua atu asegura seguransa iha selebrasaun loron-boot natál ho tinan foun mai.

Nia esplika, ekipa rua ne'e, ida ba servisu, ida prevensaun, la'os dehan hotu-hotu tun iha baze, maibé to'o tempu kuandu iha situasaun ruma 'grava' mak sira foin tun, la'os dehan loro-loron tun iha baze.

"Ita nia forsa PNTL mak husu apoiu, ita sempe tun. Mais normalmente patrullamentu PM la'o hela, laos dehan katak iha problema mak la'o lae”, nia hateten.

Maske nune'e, nia dehan, atividade ne'e sira hahú dezde uluk kedas ho PNTL la'o tiha ona, tanba ne'e sorumutuk sira parte rua hala'o atu hametin liu tan relasaun servisu entre parte rua hodi fó seguransa ba loron boot-natál ho tinan foun.

"Tanba ida ne'e loron ida-rua tan, ami sei enkontru tan ho komandante UEP, para relasaun Polísia Militar ho PNTL ne'e di'ak liu, la'os PNTL jeral năo, mas PNTL munisípiu, liu-liu iha área seguransa teknika ami iha baze nian, jerál ne'e komando nian", nia hateten.

Segundu Komandante PNTL munisípiu Dili, Superintendente Xefi, Euclides Belo dehan, komando PNTL munisípiu Dili maka kaer seguransa iha área Dili nian, maibé unidade Polísia Militar mós nia kuartel iha Dili, iha Kintal-boot hodi halo servisu hamutuk ho PNTL hodi garante seguransa iha munisípiu Dili iha loron boot.

Nia informa, tuir planu operasaun komando PNTL munisípiu Dili nian koloka mós seguransa ne'ebé maka bazeia ba forsa PNTL nian no ultimu instituisaun ne'ebé mak bele fó apoiu ba PNTL maka ita nia maluk sira husi unidade Polísia Milítar.

"Ida ne'e maka tuir planu operasaun PNTL nian, tanba nee maka ohin komandante Polísia Milítar ho nia ofisial operasional mai hasoru komandante distritu, hau, para depois halo koordenasaun servisu hodi bele garante diak liu tan seguransa ba iha natál no tinan foun, atu garante katak ema hotu-hotu livre", Euclides dehan.

Nia husu ba joven sira atu konsumu alkohol karik, tenke iha uma, bar, ka iha festa ruma karik bele, la'os konsumilu fali iha fatin sira ne'ebé bele prejudika ema seluk nian movimentu liu-liu iha estrada públiku sira.

Nia dehan, enkontru koordenasaun refere atu bele orienta di'ak liu tan sira nia soldadu no ajente sira no sidadaun sira iha terrenu bele servisu hamutuk di'ak liu hodi garante seguransa ba komunidade no foinsa'e sira bele sai ema ida sivilizadu ba futuru nasaun.(*).

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter