Semana Oin MEJD Reativa Eskola, PNTL ‘Aperta’ Nafatin Kumpri Regra EE

Komandante PNTL munisípiu Dili, Superintendente Xefi, Henrique da Costa Komandante PNTL munisípiu Dili, Superintendente Xefi, Henrique da Costa Foto Arkivu

Tempotimor (Dili)- Tuir planu iha segunda (18/01), Ministériu Edukasaun Juventude no Desportu (MEJD) sei hahú reativa fila-fali atividade eskola hotu iha Timor-Leste liu-liu iha prosesu ensinu aprendizajen nian, ne'ebé durante ne'e taka tanba surtu Covid-19 ho aplikasaun Estadu Emerjénsia (EE) ba da-sia.

Maske nune’e, Polísia Nasional Timor-Leste (PNTL) sei la rende no kontinua fó aviza ba komunidade atu nafatin kumpri regra estadu emerjénsia da-sia.

Komandante PNTL munisípiu Dili, Superintendente Xefi, Henrique da Costa dehan, planu ne’ebé MEJD hasai ona, ida ne’e parte husi sira nia kompeténsia, maibé parte polísia sei nafatin halo movimentu hodi garante katak, regras ne'ebé fó sai, ema hotu-hotu tenke kumpri.

"Pur-ezemplu hanesan tenke mantein distansiamentu sosiál, distánsia fiziku, ema hotu-hotu tenke uza máskara, kada eskola tenke iha bee ho sabaun hodi fase liman", Komandante Henrique da Costa hateten ba jornalísta sira iha nia kna'ar fatin Kaikoli, Sesta (15/01).

Tanba ne'e, PNTL husu ba públiku liu-liu eskola sira atu kompleta fasilidade sira mak liga ho regra estadu emerjénsia nian tenke iha, no sira nia ekipa sei observa hamutuk, karik seidauk estabelese, sira sei fó hanoin hodi kompleta.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks