Avaliasaun Seguransa Durante Natál-Tinan foun, PNTL ‘Kiak-liu’ Transporte

Kareta PNTL Kareta PNTL Foto Arkivu

Tempotimor (Dili)- Polísia Nasionál Timor-Leste (PNTL), liuhusi komandu munisípiu Dili realiza sorumutuk ida ho komandante sira husi Unidade Espesial Polísia (UEP), Unidade Polísia Fronteira (UPF) iha Aeroportu, Unidade Polísia Marítima (UPM), Sentru Formasaun Polísia Komoro, eskuadra no seksaun sira, inklui ekipa sira husi komandu jerál, hodi halo avaliasaun kona-ba seguransa ne'ebé sira halo durante iha loron Santu Natál tinan 2020 ho tinan foun 2021 nian.

Komandante PNTL munisípiu Dili, Superintendente Xefi, Henrique da Costa informa, enkontru ne'ebé sira realiza ho objetivu atu halo avaliasaun ba servisu operasional koordenada, ne'ebé sira hala'o durante iha fulan Novembru 2020 no Janeiru 2021 nian.

Nia dehan, liuhusi enkontru avaliasaun mak bele haree fallansu saida maka hetan, problema saida mak enfrenta, no oinsá bele hadi'a di'ak liu tan iha futuru.

"Ita nota katak, durante ita halo servisu ne'e, ita nia membru sira hetan obstákulu barak liu-liu iha parte transporte nian ne'ebé ho kondisaun ladi'ak, no halo atendimentu sira nian tarde iha terrenu", Superintendente Xefi, Henrique da Costa nu'udár Komandante PNTL munisípiu Dili, hateten iha Kaikoli, Sesta (15/01).

Henrique hateten, kuaze metade ka maioria husi transporte hirak ne'e, nia kondisaun la di'ak, tanba hanesan públiku akompaña katak, iha fulan novembru to'o dezembru 2020 to'o oras ne'e, reparasaun ba iha veikulu paradu.

"So hanesan iha manutensaun ki'ik-oan sira ne'ebé maka komandu iha spare part, entaun sira bele ajuda. Ida ne'e mak sai hanesan obstakulu, maibé espera ke ba oin ida ne'e bele hadi'a, atu nune'e ita nia ema bele halo servisu ho di'ak", nia tenik.

Nia hatutan, tanba sira iha ekipa ne'ebé ho kuantidade boot no barak, nune'e bainhira sira to'o iha terrenu, mezmu balun tarde, maibé sira balun ne'ebé to'o uluk, halo sira bele responde situasaun saida de'it maka akontese iha terrenu.

Maski sira hasoru problema iha transporte, maibé intermu rekursu umanu, sira sufisiente tanba sira haree husi unidade espesial, UPF, UPM, Kuartel jerál, sentru formasaun, sira hotu nia ekipamentu sufisiente atu fó apoiu ba iha komandu munisípiu Dili iha servisu operasional.

"Intermus-de-ekipamentus ho sira seluk, ita haree tantu ba iha ita nia ekipamentu pesoal ba oin ita bele kompleta ita nia membru sira ho fasilidade sira hanesan ne'e, para atu nune'e sira bele hala'o sira nia servisu di'ak liu tán", nia esplika.

Nia mós apresia ho servisu husi ekipa komando jerál, UEP UPF, UPM, Sentru Formasaun Polísia sira, tanba bele apoia komandu munisípiu Dili hodi halo servisu operasional ba garante Dili sai fatin seguru ba ema hotu iha periudu Natál ho tinan foun ninian.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« February 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Tempo Timor Networks