"Orientasaun ne'ebé ami simu husi exelénsia iha buat importante tolu, disiplina iha instituisaun ida-ne'e, asuntu segundu mak ierárkia, eh jestaun rekursu ida-ne'e mak ohin ko'alia", Komandante Jerál PNTL, Komisáriu Faustino da Costa, ko'alia hafoin sorumutu ho Primeiru Ministru Taur Matan Ruak, iha Palásiu Governu, tersa (19/01/21).

Komadante Jeral PNTL ne'e mós relata, iha sorumutuk ne'e mos ko'alia kona-ba situasaun pandemia Covid-19 ninian oinsá atu asegura iha fronteira.

"Ida-ne'e mak parte ida ajenda ne'ebé ami aprezenta ba exelénsia mós katak, alende postu permanente ne'ebé iha, sira-ne'ebe ita aumenta iha fulan balun ba kotuk, postu balun mós sei aumenta iha tempu badak nia laran postu vizilánsia, maibé parte ida mós halo pontus informasaun liuliu iha ita-nia autoridade sira iha área fronteira", tenik bia

Nia dehan, kestaun seguransa iha fronteira presiza hotu-hotu ninia konsiénsia katak, moras Covid-19 ne'e risku duni, liuliu besik tebes ho parte Indonézia nian.

"Entaun, ita presiza evita kooperasaun servisu hamutuk ho parte hotu para ita bele hato'o ita-nia komunidade katak, moras ne'e risku duni ne'ebe atividade ilegál ka pasa fronteira tenke hapara no evita", nia akresenta. (*)