Login to your account

Username *
Password *
Remember Me

La deteta droga iha Estátua, Faustino: Labele Fó Sala PNTL

Komandante Jerál PNTL, Komisáriu Faustino da Costa Komandante Jerál PNTL, Komisáriu Faustino da Costa Foto Ofisial

Tempotimor (Dili)- Durante semana hirak ikus ne'e, públiku kestiona maka'as kona-ba profesionalismu Polísia Nasionál Timor-Leste (PNTL) nian liuhusi Servisu Investigasaun Kriminál Nasionál (SIKN), liga ho kazu diskonfia subra droga iha estátua Nosa Señora de Asunção nia ain okos, maibé ikus mai rezultadu investigasaun hatudu deskonfiansa ne'e la lo'os.

Komandante Jerál PNTL, Komisáriu Faustino da Costa hatete, kazu deskonfia subar droga iha estátua laran, husu públiku labele fó sala de'it PNTL, tanba momentu ne'e ekipa konjuntu mak halo serbisu relasiona ba prosesu investigasaun.

“Ne'e la'os PNTL mesak mak identifika katak ne'e droga mak iha laran. Kuandu sasan estátua Nosa Señora de Asunção ne'e tama iha fronteira ita nian mákina Raiu-Xís ne'ebé iha alfándega mak deteta, iha buat ruma iha laran, entaun ita iha ekipa konjuntu PNTL, SNI, J2, Servisu informasaun militár, no alfándega (Involve iha Prisesu), ne'ebé la'ós PNTL,” dehan nia ba jornalista sira iha Kuartél Jerál PNTL, Kaikoli-Dili, Segunda (25/01).

Nia dehan, estátua Nosa Señora de Asunção ne'e tama iha fulan-dezembru 2020, no mákina X-rey (Raiu-Xís) iha alfándega mak deteta katak deskonfia iha droga, nune'e mak ekipa konjuntu konfirma kedas ba Padre no madre sira hodi halo prosesu investigasaun ne'e ho objetivu katak, atu bele klarifika ba públiku katak loos ka lae kona-ba droga iha estátua nia laran.

“Maibé atu públiku hatene PNTL la'ós responde parte ninian mesak, ekipa konjuntua koordena ho Amu para sobu, nune'e hotu-hotu bele hatene dehan katak saida mak iha laran. Iha semana liubá ita fó-sai katak buat ne'ebé iha laran deskonfia, ne'e la'os droga, maibé rai mean,” dehan nia.

Antes ne'e iha loron 21 Janeiru 2021, Ekipa Konjunta Servisu Investigasaun Kriminál Nasionál (SIKN), Polísia Militár (PM), Servisu Nasionál Intelijénsia (SNI), no Alfándega Departamentu Anti-Fraude, halo identifikasaun relasiona ho deskonfia estátua Nosa Señora de Asunção rai material ai-moruk droga iha laran, hafoin iha prosesu investigasaun sobu estátua rezultadu hatudu la iha drogra.

Entretantu iha prosesu identifikasaun ne'e, parte investigasaun lori gurinda ko'a uluk fatin hatúr Illas Nosa Senora nian hodi halo identifikasaun ba objetu rua ne'ebé falun metin ho hena mutin ne'ebé uza lem taka metin haleu objetu ne'e, maibé rezultadu hatudu negativu la'os droga mak iha laran, maibé rai-mean.

Hafoin sobu ekipa foti mós amostra rai-mean ne'ebé deskunfia droga hodi lori ba halo teste iha laboratóriu, maibé prosesu indentifikasaun hatudu negativu, tanba ne'e objetu rai rua ne'ebé parte seguransa dekonfia nu'udár materiál hatodan ne'ebé tékniku monta hodi hatúr metin Illas Nai Maromak ne'e.

Nune'e iha prosesu identifikasaun hala'o iha oras 13:35 no remata iha 16:20, asiste direitamente husi Komandante Jerál PNTL Komisáriu Polisia, Faustino da Costa, Komandante SIKN Superitendente Xefe, José Neto Mok, Parte Autoridade Aduaneira, no ekipa investigasaun sira kompostu ema nain hitu (7) ne'ebé antes ne'e asiste direita prosesu scan Illas Nosa Senhora iha makina X-Ray iha Aeroportu Internasionál Nicolau Lobato, Comoro, Dili iha loron 19/1/2021 iha oras 03:30 Otl.

Iha prosesu ko'a estátua Nosa Señora de Asunção nia hatu'ur fatin ne'e akompaña direitamenete mos husi Madre na'in-rua hosi ADM Ailok-Laran Dili, Madre Gorreti Delícia Fernandes no Virgínia dos Santos nu'udar sasin husi parte Igreja nian.(*)

Rate this item
(1 Vote)
Last modified on Monday, 25 January 2021 20:12
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter